كباب البحرين يالبحرينيات...!!!!رمضان جايييييييييييييييييي..

وينكم لا حس ولا خبر وينكم ما طلبت القمر...!!!!!!!
قلت ابغى كبابببببببببببببببببببببببببببببب....!!!!!

أختي

ممكن تاخذين حب النخي ( الحمص اليابس ) وتطحنينه في البيت وتشخلينه من الحب الخشن وبهالشكل يتكون عندج طحين النخي

انا طريقتي في عمل الباكوره او الكباب مثل ما يسمونه خواتنا البحرينيات
اخذ حبتين بصل+ حبة طماطم مقطعه + علب فلفل + شبت + جلجلان + ملعقة كزبرة يابسه مطحونه بالهاون مش الآلة لأن في فرق في الطعم + ملح+ بهارات + وشوية عصير ليمون
واخلطهم كلهم عدل واخليهم يتخمرون شوي وعقب احط عليهم الطحين بمقدار كاس واخلطهم بشوية ماي الى ان يصبح الخليط بين السائل والرخو
عند القلي اضيف بيكربونات الصوداالى المقدار السابق وفي ناس يحطون بيكنغ بودر على نار متوسطة الى قوية بواسطة ملعقة

وفي طريقة ثانية انج تسوين شرائح بطاطس مدورة رقيقة وتغطينها في عجينة النخي ( كاس طحين نخي ونص كاس ماي وشوية ملح وبزار ) وممكن اضافة البيكنغ بودر
وممكن تستبدلين البطاطس بشرائح الباذنجان <<< يمي يمي


وبالتوفيق

الله يعطيك العافيه...ما تقصرين يالغاليه...
الطريقه الثانيه..كانت جارتنا في بيت اهلي دايم ترسلها لنا برمضان.... وكنا نتخانق عليها...من حلاتها,,
ان شاء الله بجربها ,,ووديها لاهلي...علشان ما نتخانق عليها مره ثانيه..
مشكوره...

هلا والله انا حبيبتي بحرينيه ذكرتيني ببلادي الحبيبه اشتقت لها موووووووت المهم هذا الطحين في البحرين ينباع باكياس ومكتوب عليه طحين كباب اما عن الطريقه تاخذين كاسين طحين اوعلى حسب الكميه اللي تبينها وتعجنينه بماء ولازم تكون العجينه متوسطه الثقل يعني لاخفيفه ولا ثقيله ثم تضيفين البزار والملح والفلفل الاسود وقليل كركم وتخلطين بالملعقه او بيدك ثم تضيفين البصل الاخضر مقطع صغار وخلاص صبيه بالملعقه في زيت حار الى ان يحمر واي سؤال انا بالخدمه

مشكوره ,...يالغاليه.....