كباب الحلة بالطريقة السهلة
تفضل قطع اللحمة الناعمة والتي بها جزء دهون
علشان تكون دسمة وسهلة الاكل
ومنصحكيش باللحمة الحمرا خالص خليها للكفتة احسن
المهم
تقطعي بصلة متوسطة وتفريها وتشوحيها كويس في ملعقة سمنة كبيرة
ضيفي اللحمة وسبيها شوية لحد ما تنزل المية بتاعتها وتبتدي تنشف كمان
افري ثوم كثير وضعيه في الحلة
وضعي البهارات الخاصة باللحم وانا بضيف عصير ليمونة او ليمون مجفف
وورق لورا وحبهان وقرنفل وقرفة علي فكرة مجموعة البهارات دى علي كباب الحلة بيخليها تحفة
غطيها وكل شوية لما تجف المية ضعي كوب واحد فقط
وخلي بالك لا تتحرق
اذا استخدمتي لحمة ناعمة زي ما بقولك ها تستوى بسرعة
ملحوظة: مناطق اللحمة الخشنة هي الفخذة وهي تصلح للكفتة مثلا
مناطق اللحمة الناعمة هي الموز والرقبة والكتف
مناطق اللحم الملبس هي الضلعة وبيت الكلاوي
واحسن منطقة للكباب الحلة هي الثانية والثالثة
وبالهنا والشفا
alaamk @alaamk
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
اختكم في الله
دمي ولا دمعة أمي