يالله انك تحييهم ^_^
اليوم جايه وجايبه معي طبخه لذيذه واتمنى تعجبكم
" كبــــاب في الفرن " ومع الاطباق الجانبيه الرز والسلطه ^_^
نبدأ بسم الله
المقادير
لحمه مفرومه << حسب عدد الافراد
بصل
بقدونس << ما كان عندي طازج فا استخدمت مجفف
كزبره
بهارات مشكله
ملح
صلصه حاره << حسب الرغبه
شويه بقسماط << حسب احتياج العجينه
خلطه الخبز:
طماطم مبشور
بصل مبشور
زيت زيتون
صلصله حاره
ملعقه صلصه طماطم
طبعا الكميه حسب الرغبه
الطريقه :
نبدأ بفرم البصل في المفرمه لين ما يصير ناعم مره
نحط عليه بقيه المقادير عدا اللحمه ونفرمهم سوا
نضيف اللحمه ونشغل المفرمه لين تختلط كل المقادير
شفتو كيف سهله ^_*
الحين نبدأ وضعها على الاسياخ وترتيبها في الصينيه
ونغطيها بالقصدير وندخلها الفرن ولما تتحمر وتنضج نحط داخل الصينيه فحمه مشتعله موضوعه في شويه زيت
وفي الوقت الي اللحمه تنضج في الفرن
نبدأ في تحضير خلطه الخبز ثم نضعها على اقراص الخبز
وتصف في صينيه فيها شويه زيت زيتون
وندخلها الفرن لغايه ما يتحمر الخبز
وقدمته مع السلطه الخضراء
ورز مشكل ( ابيض- رز بالزعفران- رز بالشبت )
وهذا صحن الكباب عقب ما طلع من الفرن وصفيته فوق الخبز الساخن
والف عافيه ^_^
كان العنوان غلط :(
وكنت ابي المشرفات يعدلونه
بس عدلته انا سوري :$