تجيبين كوب بقدونس مع كوب بصل مفروم وتخلطيهم مع بعض وممكن تفرمين شويه شبت مفروم
لو حابه مع الخلطه
وتضيفيها للحم المفروم
وتبلين بالملح والفلفل والبهار ( بهار حلو او 7 بهارات )
تجيبين شحمه وتقطعيها مربعات وتحطيها في صينيه وتحمسيها شوي على النار في الصينيه
باستخدام يد ملعقه تشكلين الكفته على الملعقه عشان لما تسحبيها يصير داخلها خرم نفس الي تتقدم في المطاعم
نيجي للكباب تجيبين اللحم ولازم يكون ذبيحه صغيره السن عشان يستوى تتبلين اللحم بماء البصل والليمون والملح والفلفل من غير بهار وتنقعينه في الخلطه ليله او تقريبا 6 ساعات
تحمسين قطعتين شحم مع ملعقه زيت في صينيه على النار وتضيفين اللحم وتقلبين لين يتغير لون اللحم وتنزل مايته قلبي لين تنشف كل الماي