اضحك الله سنكم ياكريم

والله اني ضحكت ضحك مابعد ضحكته عسى الله يعطينا من خيره ويكفينا شره


وبمواقفكم هذي ذكرتوني بمواقف مماثله مع الوالده الله يشفيها ويعافيها


ومن ضمن مواقفها

قبل 14سنه نويت على الحج انا وابو عيالي ويوم درت قالت انا خويتكم قلنا حياك الله وهذي الساعه المباركه

وكان حجزنا على طياره وهي اول مره بعمرها تركب الطياره وكان عندها خوف شديد منها

ومن كثر الحوادث اللي كانت تسمع عنها بذيك الفتره

المهم صعدنا للطياره وبدينا الاستعداد للاقلاع

ويوم بدت الطياره بالمسير ماتشوفون الا الوالده بطول صوتها بسم الله علينا بالرحمن الرحيم ولين اطلعت للجو واستقامت وهي تسمي وما وقفت من الاسم

وعاد هي جالسه عند النافذه وزوجي الله يحفظه يبغي يهديها شوي ويغير الجو قالها ياخاله تفرجي على الجو من حولك

الا وتشوف السحب من تحتنا قالت ياعلي هو ذي

جبال الرياض

وتعالو عاد اسمعوا الضحك من حولنا


والموقف الثاني تو برمضان اللي فات مع انها ماهيب كبيره بالحيل وعمرها بالستينات لكن الذاكره عندها ضعيفه

وخاصة ذا السنه قامت تضيع كثير

وبالعاده فطورها عندي طول رمضان وكنا بالايام الوسطى من الشهر الفضيل الا وهي تعد ذالحين كم من يوم صمنا

وحنا نقول لها 12 والا 13 قالت لا ابد انا توني صايمه مالي غير يومين من صمت

اجل على ايام ماصمتها ذكروني فيها اعيدها وحنا نقول لها لا يايمه انتي صمتي وكل يوم فطورك معنا وماعليك شي

وطول الشهر وحنا معها على هالمنوال وعيدنا وعينا من الله خير

وقمنا نصوم الست من شوال وهي كانت عند اختي الكبيره باستراحتها

لانها بايام العيد تجينا من قطر وتقضي ايام العيد عندنا مع الوالده

وبعد ماخلصت اجازتهم جابت الوالده عندي وقت الظهر وانا كنت صايمه ونايمه

المهم حطوا بنياتي الغدا وتغدت معهم وجابولها القهوه وقهووها وبعد ماعينت من الله خيرا قيلت

وانا صحيت وعلموني البنات ان امي موجوده ونايمه ولاهي صايمه قلت خير

يوم جاوقت صلاة العصر صحيتا للصلاة وبعد الصلاة جاها ولد اختي يعيد عليها

واصب لها القهوه قالت انا صايمه تبغين تفطريني

قلت هاهه ليكون ناويه الصيام ومع النسيان اللي يجيها ضيعت قلت خير

وانشد بناتي انتوا متاكدين ان امي تغدت معكم اليوم قالوا اي واقوم واتصل على اختي بقطر وانشدها

امي صامت اليوم والا لا قالت مالك لوا مفطرة معنا الصبح قبل نمشي وما طرت انها بتصوم

واسكت واخليها بس يوم جا مع الفطور وحنا نجهز قالت وش ذالفطور كله

الحمد لله لاهنا جوع ولاعطش

عاد انا هنا مت ضحك وما مسكت نفسي قالت وش بلاك تضحكين قلت ابد طرى على موقف مسويه ولدي واضحك عليه

واخليها على فالها قالت الحمد لله ماعاد باقي على العيد غير يومين وخلتني خلاص ماني قادره امسك بطني

الجوع والعطش هادٍحيلي وهي كملتها عدل

ومشيناها لها وهي ماصامت غير 4 ايام وحنا نقولها اي صمتي 6 خلاص عيدتي

وهذا هي على هالحال عسى الله يحفظها ويخليها لنا ياكريم

الله يفرح قلوبكم ويوسع صدوركم
ونستوني
قعدت زوجي من كثر ما اضحك

مواقف تحففففففففففففففف

عندي موقف محرج

زارتنا عجوز وكانت تقص قصة قمة في التراجيديا فعلا مأساة شابة عندهاولدجاهامرض أقعدها..زوجها تخلى عنها رماهاهي والولدوطلقها..............
الحرمة بتسوي مثققفة طبيا قالت:ياكافي جتها (النملة الحمراء)قصدها الذئبة الحمراء
والله قلب وجهي أحمروسكرت شفايفي بقوة بس ماعاد أقدر!!! اطالع أختي واحس ابنفجرطلعت من الغرفةوأكيدسمعواصوت ضحكتي بس والله غصب عني قال أيش النملة الحمراءالله يحفظنا!

هههههههههههههههههههههههه المواقف توووووحفه
الله يرحم جدتي كانت اذا جت عند امي تونسنا
اول مابدت تخرف الله يرحمها كان عقلها يروح ويجي راحت للخياط خيطت عنده كرته وقالت لامي وخالاتي قالوا لها واين الخياط هذا نروح
نجيبها لك وتحاول تتذكر ماعرفت نست واين الخياط اللي حطت عنده كرتتها ههههه

كانت جدتي الله يرحمها (مخرفه) ماتعرف تجلس بس تدور بالبيت وتقول ( ياربي واين اروح) تحزززن
المهم امي وقفتها على الطاقه كان قريب المغرب قالت جدتي ياويلي جاء الليل ياويلي من ابوي ههههههه
وتنادي مع الطاقه تقول يمه... امي ....ماما... والله يابنات اني ماازل عليكم وحنا دورونا من الضحك حخخخخخخخخ

كانت اذا لقت باب الشقه مفتوووح على طول تخرج واذا كنا بندخلها للبيت تقعد على الدرج والله يابنات انا وامي وخواتي نحاول نقومها ما نقدر مع انه بنيتها مرررره ضعيفه بس اقوى منا خخخخخخ

الله يسعدك على الموضوع الحلو الله يرحم جداتنا ويحفظ الجدات العايشات

مررره كانت عندنا جدتي وحالسه اختي واختي الصغيره قامت الكبيره طلبت كاس ماء قالت الصغيره انا قالت اختي بستهبال لا جدتي متعوده على الكلمه مادريتا الا جدتي بتقووووووم تجيب مويه انهبلنا قالت اتطنز عليها ما قصدي قالت عارفه بس مافيها شي بس ما خليناها