كنت اتمنى أسوي كبة البرغل لكن ماعندي فرامة اللحم اللي تضبط هالنوع من الكبة...
فقلت :خليني أغامر وأجرب بالفرامة العادية (اللي ماعندي غيرها):)
فبحثت بالنت عن مقادير الكبة ..وتوكلت على الله وبديت..
المقادير:
تقريبا 2 كاس برغل ناعم ( مغسول جيدا ومصفى)
نصف بصله
تقريبا كاس لحم مفروم
ملح
نفرم نصف البصلة فرما جيدا..
بعد ماغسلنا البرغل ونقيناه نضع عليه ماء مغلي حتى يغطيه جيدا وشوي ملح ونتركه ينقع لمدة نصف ساعه:
وهذي صورة البرغل بعد ماتشرب الماء:
نفرم البصل مرة ثانية مع اللحم المفروم:
نفرم البرغل على دفعات فرما ناعما:
نخلط اللحم والبصل والبرغل مع بعض حتى يصبح عجينة متماسكة:
نجي للحشوة الحين:
بصل نحمسه مع شوي زيت ثم نضع لحم مفروم عليه حتى ينضج:
ثم نضيف له البقدونس والملح والبهارات:
وهذي صورة للكبة بعد القلي: