كبة البطاط بالجبن الللذيذه

مرحبا
هذي كبة خفيفه لطيفه لعيونكم يا قمرات ويارب تنول الرضا
المقادير
جبنة فونك وحطيت لكم صورتها :)
4 اكواب من البطاط المسلوق بس لا تهرينه خليه متماسك وني شوي البطاط تسلقين كميه وتعايرين 4اكواب
2 كوب من الرز المصري مغسول ومسلوق ايضا لا تهرينه طبعا المقدار قبل الطبخ يعني تعايرين كوبين وتسلقينهم
بيضه
نصف كوب طحين
ملح
م ص بهار مشكل
م ص فلفل اسود
م ص كمون
ممكن تضيفي ملعقة اكل بقدونس مفروم او ملعقة اكل بصل اخضر مفروم للعجين بس انا نسيت احط اي واحد فيهم:(





ينهرس البطاط المسلوق وينفرم مع الرز بالمكينه مالت اللحم ونضيف له البيضه والطحين والبهارات ونعدل الملح

العجين بتكون لينه شوي لو حسيتي انها تبي رشة طحين زيدي انتي ووضعها بيدج علما انها طبيعي بتلزق من الرز والبطاط واهم شي الملح ذوقيه عدل


نقطع الجبن مكعبات صغيره
خذي كوره من العجين واحشيها بمكعب جبن بللي يدك بماء بارد عشان تتشكل معاج زين



نضع الكور بعد حشوها على بقسماط ونكوره بخفه عليه



حطيها تتجمد ساعه
واقليها وهي نصف بارده يعني متماسكه









لا تاكلينها حاره الجبنه سايحه تحرق لسانج صبري شوي
لو جمدتيها تطلع قبل القلي بنص ساعه
بالعافيه:icon28: