واذا ذقتيها تنسين كل التعب من شغلها...
وهي اصلا طبخه عراقيه..ماعرف اسمها الاصلي...اللي تعرف تقولي
لكن سميتها كبة الصحن لانها شوي كبيره بحجمها...
المقادير
اربع كاسات جريش منقوع لمدة ساعه او حسب خشونته.
2كاس برغل منقوع لمدة ساعتين..
1/2 كيلو لحم مفروم
بصلتين متوسطه الحجم...كم فص ثوم..مقطعين بحجم صغير
بهارات.كار وكركم....ملح ..شوية زيت..
الحشوه..
حشوة الكبه العاديه ..بصله مفرومه محمسه بزيت..اضيف لها نص لحم مفروم((غير لحم العجينه)) اقلب فيه واضيف له البهارات والملح..
وبعد مايخلص اضيف الكزبره او البقدونس حسب الرغبه
الطريقه
بعد نقع الجريش والبرغل..نصفيه زين بمصفاة لحد ماينزل كل المويه اللي فيه..
نخلطهم مع بعض ونحط الملح والبهارات لحط مايختلطون زين..نضيف عليهم البصل والثوم وشوية زيت..((لاتكثرون زيت..لانه يفلها وقت السلق ))
نطحنها بمكينة اللحم..بعد الطحن نضيف لها اللحم المفروم ونضيف على اللحم شوية بهارات...ونعجنهم زين..
ونسوي كور بحجم الكوره الصغيره..
ناخذكيس نايلون ونفرشه ونمسحه بشوية زيت..ونحط على كوره من العجينه ونسويها مثل القرص على سطح فوقه كيس نايلون مدهون بشوية زيت..ولازم ماتكون خفيفه بحجم تقريبا نص سم..
بهالشكل
ونحط الحشو فوقها..وجنبها نسوي قرص بنفس الحجم وشوي شوي..نشيلها بالكيس ونغطي الثانيه اللي فوقها الحشوه..
مثل هالشكل
نسكرها من الجوانب زين..وندخلها بالفريز..لحد ماتجمد عشان تساعدنا بالسلق..
وتكون بهالصوره
نغلي مويه في قدر ونضيف له شوية ملح مع ملعقه صغيره كركم..ونضيف الكبه وحده وحده..
ونتركها لحد ماتطفو وهذا دليل على انها خلصت.ونتركها تبرد
.مثل هالصوره
..وبعدها نسخن زيت ونقليها فيه بعد مايسخن..وبعد هم حبه حبه وبحذر شويه عشان ماتتفتح ويروح كل تعبنا..
ويجب مانتركها بالزيت كثير عشان ماتيبس وتصير ناشفه...نطلعها من الزيت.ونحطها بصحن ونغطيها عشان تصير لينه..
وهذا شكلها النهائي
والحمدلله خلصنا بعد جهد جهيد..:32:
وعليكم بستمية مليووووووووووووووووون عافيه..