السلام بنات
هاي شلونكم شخباركم اهلين وسهلين
اليوم جايبه لكم طبق كبدة مقليه على قولتنا (جبود) المهم انا ترى ماحب الجبود وايد بس لاني تعبانه هالايام واحس دمي بيخلص ،، واحس ان فيني دوخه ،، فنصحوني ناس وايد اني اكل جبود وانا ماحبه صراحه لاني شبه نباتيه ماكل لحم وايد الا نادر ولا منتجات لحم بس اكل اسماك وخضروات ودجاج شوي .....
المهم الحين انا شاسوي عشان اكل جبود هاي طريقتي وايد زينه بقولها لج
كيلو كبده مغسوله زين ومنظفه يعني انا ماحب اسويها اعطي امي تسويها لي وتغسلها وتقطعها وكلشي ،، وانا اقول لها الطريقه وهي تسويها لي ،،،، بس جربتها وايد طلعت عجيبه ،،، سويتها نفس المطعم اللي اكلتها منه ابوي مره جاب لنا كبده تهبل اكلت منها صج مافيها زفره ابد ،،، تصلح للنباتيين اشكالي ،،،
المهم ،،
المقادير
كيلو كبده منظفه مقطعه جوليان طوليا
اربع حبات فلفل اخضر حار مقطع طوليا من النص
2 طماطم كبيره يابسه شوي مو لينه ،، مقطعه جوليان لاتحطين البذور الطماطم اللي داخل شيلها
ملعقة طعام ونص ثوم زنجبيل مطحون
نص حزمة كزبره مفرومه
فلفل رومي مقطع جوليان
بصل اخضر او احمر اللي تبين يكون نص كوب او ثلاث بصلات حمرا مفرومه
البهارات ،، فلفل احمر ،، كركم ،، ملح ،، لو تبين تستبدلينه بفلفل اسود انتي حره
كلهم حلوين
الطريقه :
اسلقي الكبده شوي في ماي حار بس اول ماتفور شيلي الزفره اللي تتكون فوق وبعدين كبي المويه وصفي الكبده وخليها على جنب
الحين في مقلاه كبيره ،،، حطي البصل مع مزيج الثوم والزنجبيل والزيت واكشنيهم زين لين يذبلون شوي بس ،، شوحيهم يعني الحين حطي الكبده عليهم وقلبيها زين حطي البهارات وشوي ماي بس لاتكثرينه ،، حركيهم زين لين شفتي الكبده صارت نص سوا الحين حطي عليهم الطماطم مع الفلفل الاخضر الحار وقلبي اخر شي ،، لين نضجت الكبده حطي عليهم الفلفل الاخضر الحار مع الرومي وقلبيه مع الكزبره الخضرا ،، وغطيهم شوي عشر دقايق وتكون جاهزه
اكليها مع الخبز وصدقيني رهييييبه تجنن
بليييييييييز عطوني رايكم ابيكم تشجعوني اكل كبده ،، لاني من جد محتاجه للدم
وادعو لي بالشفاء العاجل
حلوة مربربة @hlo_mrbrb
عضوة فعالة
يلزم عليك تسجيل الدخول أولًا لكتابة تعليق.
الهاجسه
•
تسلم ايدك
تسلمين حبيبتي الهاجسه على ردج
فشلتوووووووووني البقيه وين ردودكم ؟؟؟؟؟؟؟؟؟؟؟؟؟
انا زعلانه
فشلتوووووووووني البقيه وين ردودكم ؟؟؟؟؟؟؟؟؟؟؟؟؟
انا زعلانه
الصفحة الأخيرة