بعد تشجعكم ليا نفسي اتفتحت علي الطبخ وعملت كبده ومكرونه بكريمه الخفق وقلت اعرضعا علي حبايب قلبي بس بشرط تقولو رئيكم ياقمراااااااااااااااااااااااات
دي سفرتنا البسيطه
ندخل علي الكبده
المقادير-
1-نص كيلو كبده (ضروري يبنات تكون فرش لانها بتفرق في الطعم وتعرفي انها طازجه ازاي؟ اقولك بيكون الدم بينزل منها ولونه احمر والكبده نفسها بتكون حمراء اللون واللي مش طازه بيبقي لونها احمر غامق ومفيش دم ينزل منها(قرفتكم:42:)هههههه
2-3 ثمرات فلفل رومي كبار وياريت تحطي فلفه حاره بتعطي نكهه حلوه انا مكنشي عندي حطيت بودر شطه
3- 3 فصوص ثوم كبار
4-بهارات فلفل وكمون والبهار اللي بتحبي نكهته
6-معلقتين كبار زبده او سمنه
كالعاده نسيت اصورحاجه في المقادير( السمن والبهارات)
الطريقه-
1- تتبلي الكبده قبل الطبخ بنص ساعه في الثلاجه
التتبيله( بهارات -عصير بصله متوسطه؛ انا قلت عصير مش بصله- معلقه خل كبيره)
2- تصفي الماء من الكبده وتخطي عليها السمنه وتعلي النار دقائق لحد ما لونها يتغير
3- تهدي النا وتضيفي ر وتسبيها 5 دقائق
4- تضيفي الفلفل وتسبيها لما تطلع ماء ويبدا ينشف بس مش تسيبه يشف خالص لان الصوص بتاع الكبده بيبقي حلو
ممكن تسبيهاتقريبا 10او 15دقيقه
(ملحوظه)
الكبده بتستوي بسرعه لو زودتي زمن الطهي بتنشف منك
وكمان طعمها بيقبي احلي وهي طريه
ودي الطبق النهائي للاكله
انتظرونا باقي المكرونه
المقادير-
1-كيس مكرونه فتوتشيني انا الكيس عند كان 500 جرام بس كنت مستخدمه تقريبا ربعه قبل كدا
2- فلفه كبيره
3- 500 جرام كريمه خفق
4-جزره مبشوره
5-فصين ثوم كبار
6-بصله متوسطه مقطعه شرائح
7-علبه جبنه شيدر وجبنه مونزريلا و ملعقه كبيره جنبه برميزان
8-بهارات "(ملح-كاري- معلقه كبيره اوريجانو) والبهار اللي تحبيه
9-شرائح زيتون
10-معلقتين زيت ذره
:42:الزيت منسي والاوريجانو
الطريقه-
1- تسخني الزيت وتحطي البصله يتغير لونها فقط وبعدين تضيفي الثوم والبهارات ونص معلقه اوريجانو
2- تضيفي الجزر وبعده الفلفل وبعده الزيتون
4- تضيفي الكريمه وتقلبي لحد ما تسخن وتتقل لو خابه تضيفي علبه زبادي انا اشوفها افضل بس انا ما كان عندي
5- تضيفي المكرونه المسلوقه وتقلبي وتضيفي الجنبه وباقي الاوريجانو وتعلي النا وتحركي بسرعه دقيقه
ودي صوره الطبق
عن قرب:)
يلي هم ياجمل
بكدا انتهينا من طبق اليوم
ملحوظه(ياكثره الملاحيظ:mad:)
المكرونه لذيذه جدا بس استعوضي ربنا في الرشاقه
الله الله بالرود الحلوه وتطبيق الاكل وانكم تدعولي بالذريه الصالحه انا وكل متاخره بالحمل
وتذكري
في حفظ الله