كبرت كلام على زوجي وزعلته ..

السلام عليكم ورحمة الله ..

حكايتي باختصار اني من تزوجت لي 8 سنوات وعندي قهر كبير من زوجي لانه ولا مره عزم اهلي او قدرهم بمناسبه في بيتي ...كنا في منطقه ثانيه ويجينا اهله او احد من طرفه نقوم لهم بعزايم في البيت وفي استراحات ونعزم كل جيرانا ومعارفنا على واجبهم .واهلي ولا مره غير بعقيقة ولدي قبل 6سنوات ..
سكنا بيت ملك وجو اهلي يباركون لنا وكانت هديتهم 15000 الف وجوا اهله وكانت هديتهم طقم فناجيل ومقضى للبيت ...ومع ذلك ما اثر فيه ...ازواج اخواتي يجون يباركون له ويسلمون عليه من واحنا بالمنطقه القديمه ...ولا يعبرهمولا يحلف عليهم ...جاء ولد اخوه دوره عندنا وعمله مناسبه وش كبرها ..تزوج اخوي ما حضر زواجه وكمل اخوي السنه ماراح له للبيت يبارك له ...اهلي ما يدرون باسلوبه وميتين عليه ...بس احس بالقهر وقلة الاحترام ..كل مره يوعدني خير وما يصير شي ...
اخيرا صارت بينا مشكله قبل اسبوع ... نسقت اختي معي علشان يجونا زياره ويباركون لنا بالبيت الجديد وطبعا جلست يومين على بال ما وافق لي على جيتهم و في نفس يوم الزياره كان عنده موعد مستشفى الساعه 4 العصر وهم زيارتهم في الليل الساعه 9 ...المهم اذن العشاء وهو لسى ما شرف وبعدها اتصل علىيه زوج اختي يطلب وصف البيت لكن الاخ اعتذر منه وقال ما راح اجي قام زوج اختي نزل اختي عندي وراح وطبعا كانوا محملين هدايا ..يا خجلي منهم فشلني وقهرني ..
رجع وصار بينا نقاش حاد وقالي ان هذا بيته وهو حر في الناس اللي تدخله قلت هذا بيتي بعد ومن حقي عليك تكرن اللي من طرفي قال بيتي انا وانتي في اي لحظه برا ..
قلت له دام بيتك اجل ابشر ان شاء الله تذوق طعم الفشيله اللي ذوقتني اياها وضيوفك قم انت فيهم ..وطلعه من البيت ما راح اطلع الا بكيفي (( ما قال لي اطلعي )) بعد ما اولد وارمي عليك عيالك ..

طبعا انا الان حامل رغم اني مركبه لولب والاخ مسوي نفسه مصدوم وما يبغى اطفال الا في الوقت اللي يحدده و صار ما يقرب مني ولا يلمسني كانه يعاقبني وهذا قبل الزعل .. عندي طفل واحد
بعدها ارسلت له رساله وقلت له ان هذا الموضوع ما راح يعدي على خير واني صبرت كثير ووصلت حدي وانه مغرور واناني وعديم مسئوليه ونذل لانه كل شوي ذالني بها البيت ...وقلت له اني ما احترمه ولا اثق فيه ولا اتكل عليه ....
الحين ما نكلم بعض ولا نسولف مع بعض ..زوجي طيب واحبه لكنه ما يسوي شي يبين احترامه لي عن طريق اهلي او عدلائه ...
اه لو تشوفون اخوانه وش يسووون لاهل زوجاتهم .. الحمد لله على كل حال ...عشان ما اظلمه هذا الشي الوحيد اللي ما قدرت اتحمله فيه ..

الحين وش الحل ؟؟ نفسي اادبه لكن من غير ما اخسره او اكسب ذنب ؟؟؟
من جد جرحني وقهرني وشايله عليه كثير ..