كبرت وانهبلت

سلام
عمري الان 40 سنه وكبدي تفرك ابي اعيش حياه راقيه ابي عيالي اتكيت وبيتي انيق واسلوبي هادي ورايق وكلامي حكمه ابي كل سنه اسافر اجدد النفسيه ابي اكشخ واتفنن بالحلا ابي زوجي عون مو فرعون ابي اشتري كل اللي نفسي فيه ابي اكون راااايقه مثل بعض الناس ابي صدري وسيع
تخيلو اني اعاني العكس من هذي الاشياء كلها
احس راح العمر ماحققت ربع هالاشياء
طاقه كبدي يعني متى بحقق هالاشياء رغم انها بسيطه بس مدري وشسالفه
حتى القهوه اذا شربتها في بيتي احس بحرقان من الضغوط النفسيه عندي بس طفلين ومضيقين الدنيا بوجهي من كثر ماالاحقهم واهتم فيهم صرت طفشانه طول الوقت لان حتى المويه اذا شربتها ماتنزل مع حلقي الا يتهاوشون عليها
اما الزوج الله لايبلانا من شدة المشاكل مالي نفس على شي وكرهته مره مره مااتكل عليه ابد جالس بالبيت لاوجود له انا اللي قايمه بكلشي وهو دوره يتلقط الزله وينكد علي لما انهار وانصرع حسبي الله وكفا
انا حتى من الضغوط النفسيه صارت تقومني حاله من النوم مثل سكرات الموت لاني انام وانا متضايقه من وضعي
والوظيفه مافيها بركه راح العمر مايوم شريت لي،شي اسمه ماركه وحاليا صار بيني وبين محلات ابو عشرين علاقه قويه هههه
وبرضو وظيفتي اشوف فيها حالات وطالبات قصصهم تدمي القلب واشيل همهم ويزيد الحمل بقلبي
مجرد فضفضه عسى القى وحده مثل حالتي وبعد دهر من العمر الله عوضها وارتحت وجددت شبابها واللي تعرف وحده كذا وتغيرت حياتها مره للافضل تعطيني امل بالحياه
واخيرا الحمدلله على كل حال