كبرت وصرت حرمة ☺️

حسيتني ذاك > توبي ما بتوب توبي ما بتوب 

تذكير للي ودها تشارك وتنفع غيرها بتجربتها 🌸

ي هلا بك

هههههه مصره مافي كني منى

شوفي ي طويلة العمر والسلامه
أول شيء
استعيني بالله ابدّي يومك بصلاة الفجر
اذكار الصباح
شغلي التلفاز على القران
إذا ماعندك دوام ابدّي رتبي غرفه النوم
إذا فيه ملابس متسخه طلعيهم رتبي سريرك افتحي الشباك
بخري غرفتك وسكريها
روحي غرف الضيوف رجال وحريم رتبيهم
كنس مسح
بخريهم قفليهم
روحي دورات المياه وانتي بكرامه شطف عميق شغلي الشفاط وسكريهم
اممم عاد ممرات البيت إذا سراميك مسح كامل مع عصرة اي منظف تحبيه
خلصنا من البيت ش بقى المطبخ والغسيل
إذا تبي تريحي شوي
ريحي وان بغيتي تكملي ادخلي ارمي الغسيل ب الغساله وعبال ماالغسيل ب الغساله ادخلي المطبخ رتبي وامسحي
واشطفي المواعين
رتبيهم ب السله
اطلعي شري غسيلك
وأحلى جلسه بعد اليوم الشاق
معلومه يابنات
ترى فتره الصباح الباكر وقت عظيم أنا انجز فيه اشغال كثيره
ماشآء الله
يعني ساعتين يكفون للبيت كله
امممممم في شغله مره فادتني
ترتيب ومسح دواليب المطبخ مثلأ اليوم غداي ع الغاز
افتح الدواليب اللي حوالين الغاز امسحهم وارجع الاغراض
قهوة العصر عبال ماتغلي
اطلع الصحون وامسح درجهم وأرجعهم
كل يوم دولاب نهاية الاسبوع يكون درج المطبخ والثلاجه نظيفات
مره إذا المغرب بالبيت وكان عشانا جاهز أقوم ع المستودع وانظفه
اهم شيء يابنات لا تكنزون اشياء مالها داعي وكراكيب ذي بس تاخذ حيز وزيادة حوسه
أنا ألعاب عيالي المكسره ارميه
عندي أجهزه مالها داعي
أتبرع فيهم او كتب او ملابس قصرت ع عيالي
إذا من آلسعوديه اعطيك رقم الجمعيه يجون للبيت يأخذون الكتب المصاحف أجهزه ملابس
خرجت عن الموضوع
اي قلتي الطبخ
زمان كنت ضد الفرزنه بس لمى جربت فرزنت الخضار مرررره تسهل عليك
وتجلس معك وقت ماتخرب
اقطع خضاري واحط كل نوع بعلبه وع فريزر
إذا جاء وقت الطبخ
بس اطلعهم اشطفهم واحطهم
الدجاج او اللحم
الان لان برد
من بالليل اطلعها من الفريزر واحطها بصحن ف التبريد
ودايم خلصي اول ب أول
لاتراكبين شغلك وبعدين تتعبين أضعاف
إذا طالبه وعندك أطفال
جيبي شغاله من اللي ب الساعات
وخليها تنظف لك البيت من إلى تنظيف عميق
وبعدها لاتخليني شي يتكدس عليك اول ب اول رتبي
الكلام يطول بس ذا اللي قدرت اكتبه
والله يبارك لنا ب أوقاتنا وأنفسنا وبيوتنا نحن والمسلمات جميعا
دمتي بحفظ الرحمن غاليتي أختك نوووونه