كبرت وماأدري ايش صار فيني ؟؟؟

مساء الورد حبيباتي ..
أنا صاير لي كم يوم أقرأ بالقسم هذا وإنبسطت جدا أحسه يسلي الخاطر ..
بأقولكم سالفتي بإختصار شديد ..
أنا عشت طفولتي ومراحل دراستي بالمنطقه الشرقيه وتعينت وتزوجت بقريه بالجنوب وصاير لي فيها 16 سنه يعني عجوز ألحين ..المهم إني أعمل وكيلة مدرسه ثانوية ..تعرفت على ناس كثيره أغلبهم نقلوا من عندنا لمدارس بأرجاء المملكه ..وماحزنت إلا على وحده كنت أحسها قريبه مني جدا ونقلت قبل 7 سنوات ..
والأسبوع هذا واللي طاف أحس إني محطمه على الآخر لإن معلمه مقربه جدا نقلت ومابقى لها معانا إلأ هالأسبوعين ..تستغربون هالكلام لكن وربي الشاهد إن قلبي ينفطر حزن عليها ..إنسانه حسيتها قريبه جدا بل تكاد تكون توأم روحي فهمتني وإنتشلتني من أجواء بعيده جدا عن شخصيتي إللي تربيت عليها غمرتني بحبها وهداياها لي ولبناتي بالرغم إنها غير متزوجه ..حاولت إني أتناساها ماقدرت ..حاولت أجد لها بديل مالقيت ..
ياجماعة الخير على كبر سني حسيت هاليومين إني طفله ومو صاحيه حتى النوم ماصرت أنام ..
ايش رايكم حبايبي شوروا علي ايش أسوي وكيف أصبر نفسي على فرقاها ..
ياربي تجمعني فيها في فردوسك ..
وجزاكم الله ألف خير ..