اول مره اشارك معكم ..وناويه اجيب العيد ..
اعرف ان عشاق الحاشي قليل ...لكن خذوا فكره عن طريقتي في طبخه
اول شي ...تغسلي الحاشي وتقطعيه قطع متوسطه .. وتنقعي الرز بعد غسله ..
وفي قدر الضغط تقلقلي بصله كامله وبعد ما تصفر تضيفي اللحم ..وتتركيه شوي ثم تضيفي حبة طماطم كبيره مقطعه
بعدها اضيفي بهاراتك الصحيحه (( فلفل اسود - قرفه - ورقة غار - مكعب واحد ماجي - كمون )) صحصيحه يعني غير مطحونه
وقلبيها كويس لحد ما تتجانس ..وبعدها اضيفي ملعقه صغيره صلصه ..
اضيفي كميه كبيره من الماء لانه راح يطبخ ساعه كامله ...انا تركته 50 دقيقه لان الحاشي لسى طازج ..
في الوقت هذا قطعي جهزي السلطه ...وانا احب البصل المقلي على الكبسه جهزيه كمان ..
بعد ما ينضج الحاشي ...اضيفي الرز اللي نقعتيه وتكون كمية المرقه قليله ..
قفلي قدر الضغط واتركيه 10 دقايق ...افضل كبسه هي اللي تتحضر بعد ما تطفي النار ب15 دقيقه عشان تتركي للرز فرصه يتناشف ( ما اعرف كلمه ثانيه ) للاسف حضرتها بسرعه ..
وهذي النتيجه النهائيه ..
يا ليت صورتها على السفره بس ما احد عطاني فرصه ...
جربوها ان شاء الله تعجبكم ..
