::cook:27:شخباركم ياحلوات ..
انا هالأسبوع سويت كبسة وحبيت اعطيكم الطريقه ان شاء الله تضبطونها لانه اول ماتعلمتها ماضبطتها والسبب نسبة الماي يعني لازم ننتبه لمستوى الماي
بسم الله نبتدي
اول شي طبعا نحمس البصل
واذا حمر شوي نحط الدجاج المغسول ونقلبه لحد مايصير تقريبا ذهبي
نحط البهارات الخاصه بالكبسة ونحركها زين لحد ماكل الدجاج ياخذ النكهه
بعد كذه نضيف كــز برة مفرومة و2 طماطم مفرومه بعد ونقلب لحد مايذبلون
ونضيف كاس ماي وملح وملعقة صلصة طماطم ونخليه شوي الدجاج ياخذ النكهه يعني خمس دقايق او بالنظر راح تعرفين
الحين نشيل الدجاج ونحطه بصينيه وندخله الفرن ونخليه ينضج وقبل لانطلعه نحمره من فوق
الحين نزيد الماي على المرقه يعني تقريبا نص القدر ونخليه يغلي ونشوف لو البهارات ناقصه والملح نزيد على حسب الرغبه
نحط الرز المغسول على المرق ونخليه يغلي لمدة خمس دقائق فقط وبعدها نتاكد انه المرق فوق الرز بشوي مش كثير علشان ماينهرس الرز
نغطيه ونخليه على نار هادئه ممكن ياخذ ثلث ساعه
وهذا شكله قبل لايستوي بشوي
وهذا الشكل النهائي
ولاتننسي سلطة الروب جنبه او سلطة عاديه
خلصتوا تغديتوا تفضلوا الفاكهة يمي وبالعافيه
ام هيلة @am_hyl_1
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
يعطيكي الفين عافيه ياقلبي