كبسة الروبيان سريعه ولذيذه

السلام عليكم ورحمة الله وبركاته
طريقتي بسيطه وسريعه واهم من كل شيء لذيذه مررره نبدا بسم الله
المقادير
كاس ونصف رز بسمتي او مزه الوليمه
ثلث كاس زيت
بصلتين مفرومين
جزرتين مبشورين
فلفل اخضر بارد مفروم
4حبه طماطم مفرومه فرم ناعم
ملعقه كبيره صلصه طماطم حسب الرغبه ممكن تستغني عنها
ربع كيلو روبيان
البهار :
حبتين قرنفل اومسمار
قطعه صغيره قرفه صحيحه(دارسين)
ملح حسب الرغبه
2ملعقه صغيره بهار مشكل
ربع ملعقه صغيره ثوم مطحون اوفص ثوم طازج مفروم
3 حبات هيل
ربع ملعقه صغيره فلفل اسود
الطريقه
حطي الزيت يسخن وضيفي البصل المفروم وقلبي لحد مايتحمر البصل شوي بعدها ضيفي الجزر وقلبي بعدها ضيفي الطماطم والروبيان ويكون نظيف ومغسول الحين حطي الملح حسب ذوقك وضيفي البهار كله الحين والفلفل الاخضر وقلبي بشويش
غطي القدر وخليه يغلي مدة ربع ساعه تقريباً ع نار هاديه
الرز يكون مغسول انا ماانقعه
احط الرز ع الخلطه واضيف المويه بحيث انها تكون تغطي الرز بس وقلب بشويش وخلي الحراره عاليه لحد مايغلي الرز وتبتدي المويه تخف اقلبه تقليب خفيف من تحت لفوق
وحطه ع نار هاديه لمده تقريباً ربع ساعه او اقل لحد ماينشف الرز ولا تقلبي الرز الحين لانه حبات الرز تتكسر
ارفعيه من ع النار وقدميه وزينيه بالطريقه اللي تحبينه وبالعافيه
اتمنى تجربوها وان شاء الله تعجبكم