كبسة اللحم على اصوووووووووولها...<كبسة ريدان>؟؟؟؟؟

السلام عليكم ورحمة الله وبركاته
بصراحه انا من اول ودي انزل كبسة اللحم
عشان الكل يستفيد
لكن المشكله ان ميكب ارتست ما شاء الله عليها والله يحفظها
نزلت كبسة دجاج مشابهه جدا لكبستي
لكن شفت البنات طلبو منها لحم قلت يالله خليني انزل كبستي يمكن احد يستفيد
وهذا ما يمنع انها تنزل كبستها>>>>>الله المستعان صدق سعوديات السالفه كلها كبستي وكبستها

المهم ما علينا
للمعلوميه كبستنا اليوم<<<ابغا اغير اشوي من حكاية كبستي
سهله جدا وبسيطه جدا وروعه جدا<<<<خخخخخخخخخ
شئ ثاني البهارات المستخدمه كمون وكزبره ناشفه وفلفل اسود مطحونين مع بعض فقط لااااااااا غير+الليمون الاسود
ولا تكثرون خرابيط وعلى مسؤليتي
وعلى فكره انا اطحن كل فتره شويه بس عشان تفضل النكهه طازه ما يكفيني الا اسبوع اسبوعين بالكثير

بسم الله وعلى بركة الله نبدأ
طبعا الكبسه الحقيقيه ما تطلع حلوه الا بواسطة حبيب القلب
قدر الضغط الجميل
طبعا الكميه على حسب قدرك وعلى حسب الاشخاص
وكل ماكان اللحم اكثر كل ما كان الطعم الذ اتكلم عن الرز<<<علاقه طرديه اخخخخ دارسه فيزياء
اول شئ جيبي اللحم ونضفيه واغسليه زيييييين
بعدين قطعيه وسط لا صغار زي حقت الايدام
ولا كبار مره وسط معليش ما صورت المرحله هذي بس راح يبين حجم اللحم ان شاء الله
قطعي بصل انا هنا حطيت حبتين متوسطه
وقلقلي البصل ولا تكثرين زيت لان اللحم مليان دهن وحطي الليمون الاسود مع البصل






بعد كذا حطي صلصة طماطم <<<ممكن تخلطين حبتين طماطم وملعقه صلصه اذا حابه
بس اليوم ما حطيت الا صلصه
وحطي شوية مويه مقدار فنجان شاي او اقل والبهارات المذكوره اعلاه







بعد كذا حطياللحم وحركي شويبعدين حطي المويه وانا بصراحه ماعندي مقياس معين للمويه
لكن لا تغطين اللحم مره يعني يكون ضاهر ان شاء الله الصوره تبين
بعدين غطي القدر واذا صفر احسبي له انا اللحم عندي ياخذ نص ساعه لاني احبه مررررره ناجح
هذا غير انه هنا شتاء يادوب ينجح الاكل
بس في السعوديه بعض الاماكن زي جده والشرقيه خاصه ايام الحر اتوقع اقل بكثير من كذا
ونقعي الرز
انا اغسله بمويه عاديه بعدين انقعه بمويه حاره واذا قربت احطه اغسله بمويه بارده عشان ما يتكسر
والرز لازم يكون حبه طويله افضل نوع والذ نوع في السعوديه ابو كاس
هنا انا مستخدمه رز مكتوب عليه يصلح للمندي والكابلي حبه طويله





الحين نفتح القدر بعد النص ساعه
ونرمي الرز<<<لا تستغربون هذا المصطلح حقنا
وانتبهي اذا كانت المويه كثير قللي منها واذا قليل الرز بيحترق
ان شاء الله في الصوره يبان مقدار المويه شوفو معي
تقريبا الرز يبان من تحت الرز بوضوح

وارجعي اضغطي الرز واللحم مع بعض
اذا صفر القدر رخي النار <<<<نقطه مرررررررررره مهمه لانه المويه قليل ونخاف يحترق
هذا غير ان الرز المطبوخ على نار هادئه
يطلع مفلفل ولذيذ
اوكي
واحسبي7 دقايق فقط لان الرز اصلا منقوع








بعدها افتحي الرز وتمتعي بالروائح الشهيه






قدمي الرز واسمعي انواع المدح<<<هذا الكلمه سارقتها من بنات المنتدى خخخ
وحطي معه سلطه مفرومه
او سلطة زبادي زي ما سويت انا

وبالعافيه على قلوبكم











وهذي من قريب




والف صحه وهنا
على فكره زوجي يسميها كبسة ريدان<<<اتوقع معروف بالذات عند اهل جده
واللي ما يعرفه هذا اشهر مطعم كبسات ومضغوط في جده