مس يارا
•
امممممممممممممممممممممممممممممممممم عذااااااااااااااااااااااااااااااااااااااااااااااااااب وخاصة الكبسه رقم واحد يعطيك العافيه
الصفحة الأخيرة
1/ كبسة النفود هذي سلمكم المولى مايبي لها جهد إغسلي الرز وقطعي البصل وإحمسي بشوية زيت وأضيفي الماء ثم الرز اللي غسلتي
وسكري عليه وخليه ساعة إلا ربع والنار مجمرة يعني مو قوية عليه والدجاجة بعد الغسل تلف بقصدير لف محكم وتصير زي المشوية
طعمها خيااااااااااال .
2/ كبسة اللحم . .
الرز المستخدم " بنجابي المهيدب هذا الرز شي ........
وأنقعه بعد الغسل لمدة نص ساعة أو أكثر
الطريقة :
قطعي لك بصل صغار وإحمسيه بشوية زيت وأضيفي توابل صحيحة . . قرفة ، لومي ، قرنفل ، فلفل أسود ، هيل ، ملح
ولما يذوب البصل حيل حطي اللحم عليه وسكري لحد مايتغير لونه للبياض أضيفي الماء المغلي وخليه يطبخ لمدة ساعة
بعد كذا طلعي لحمك وحطيه بقدر ثاني وأضيفي له من المرق حقه شوي وشبي عليه نار هادية وكبي الرزعلى القدر الأول
وقصري عليه وخليه حد مايستوي ويتشرب ولاتكون كمية المرق كثيرة عليه حتى يصير نثري . . اللحم صاير لونه أحمر
وأنا ماأضفت له بالبداية لا طماط ولا صلصة لكن لما طلعته بالقدر الثاني أضفت ملعقة صغيرة صلصة الطماطم حتى يكسب
شوية إحمرار أشهى شكلا ويغرس آخر شي الفلفل الأحمر بالرز وبالأخير يقدم بالشكل الموضح بالصورة . . . .
والكشنة اللي فوق الرز لي فيها طريقة معينة بأكتبها بالأخير والكشنة هي سيدة كبساتي ولا أعرف بدونها .
3/ كبسة الدجاج :
نفس طريقة اللحم لكن بالدجاج وتختلف عن اللحم بوضع الدجاج بعد نضجه بالفرن للتحمير .
4/ الكبسة الحمراء :
الرز المستخدم " بشاااااااااااااور باب الهند " جدا جدا لذيذ ينقع نص ساعة أو أكثر
قطعي بصل وإحمسيه بشوية زيت . .
أضيفي التوابل والبهارات .
قطعي طماط وأضيفيه بعد مايذوب البصل وشوية صلصة طماطم .
قطعي الدجاج أرباع وأضيفي عليه ماء مغلي وخليه يطبخ نص ساعة ثم أضيفي آخر شي الرز
والبشاور مايحتاج ماء كثير أبدا وخليه على نار هادية لمدة نص ساعة ثم يقدم .
طريقتي في تكشين البصل :
قطعي بصل صغار أو طوال عالرغبة ويحمس بزيت كثير ممكن يغطي البصل ويترك حد مايذوب
إنقعي الزبيب في ماء مغلي بعد غسله وينقع وقت طويل أنقعه قبل لا أبدأ طبخي وبعد ما يذوب البصل
تحطين عليه الزبيب ويحرك ولما يبدأ يستوي خلاص أضيف بهاراتي والكركم عليه وأكثر شوي
تصير ريحته يممممم وأشخل الزيت بالأخير ضرورية عندي آخر خطوة .
وبس
:)
:)
:)