deawsoul @deawsoul

محررة برونزية

كبسة برتقال وطعم فوق الخيال واهم شي سهلة جدا ادخلو ما رح تندموا..

السلام عليكم ورحمة الله وبركاته
كيفكم يا صبايا ان شاء الله الجميع بخير وصحه وعافيه
اليوم حبيت انزل الكم اكله انا شخصيا وعائلتي من عشاقها
كبسسسسسسسسسسسسسسسسسسسسة البرتقال
الرائعه والذيذه والي بتشرفك قدام ضيوفك شكل وطعم وريحة جنان

ورح ابلش بصوره خليها تفتح نفسكم وان شاء الله تعجبكم واطبقوها وتدعولي ولو ما عجبتكم برضو ادعولي

المقادير يا حلوات كالتالي
دجاجه مقطعة ارباع مغسوله مدعوكه زين ما زين يعني هيك رح يصير شكلها من الدعك خاصه باليمون
معجون طماطم علبة كامله
اربع حبات طماطم مفرومين ناعم
بصلتين مفرومين ناعم
اربع فصوص ثوم مفرومين ناعم
برش اربع برتقالات وعصيرهم
فلفل اخضر حار على حسب الرغبه والافضل حبه عشان ما تكون مشطشطه زياده والي بحبها مشطشه يزيد على كيفه
اربع كاسات رز ابو كاس او اي نوع تفضليه يعني رز كبسه المهم منقوع مغسول ومشخول يعني 90 % استواء
والبهارات : ملح ، بهارات الكبسه معلقه كبيره ، كزبره ناشفه معلقه كبيره ، قرنفل5حبات، هيل،5حبات قرفة،فلفل اسود، بهار حلو، كله هاد رشه يعني بس للطعم وليمون اسود حبتين ومعلقة كركم ونص اصبع زبده هدول للاخر بنخليهم .
لوز محمر للتزيين واكيد للطعم الذ :icon18:

والشرح مع الصور
بنلش بسم الله الرحمن الرحيم
اول حاجه بنحط بالطنجره البصل وشوية زيت بنلبش نشوح بالبصله بعدين بنضيف الدجاج ومع التقليب المستمر بنضيف برش البرتقال بنشوح و بنضيف البهارات كلها الثوم ومعجون الطماطم والطماطم المقطعه وبشوح لحد ما تبلش تذبل البندوره بنضيف الفلفل وعصير البرتقال وبنوطي النار وبنخليها تتسبك علىنار هاديه لحد ما يستوي الدجاج وبعد كذا بنضيف الرز المشخول وبنوطي النار على الاخر بنخلي تقريبا نص ساعد لحد ما يتشرب الخلطه ويكمل سواه واخر اشي بنسيح الزبده في مقلاه وبنضيف الها معلقه الكركم وبنحرها مزبوط وبنطشها على وجه الارز بشكل خطوط لحتى يوخد طعم ولون وخلصنا شفتو شو سهله ورائعه يا سلام على الطعم وبنقدمها مع سلطه خضراء وما بنشبع منها والله عملتها مرتين الاسبوع الماضي وما ملو منها من كتر ما هي لذيذه جربوها واكيد رح تعجبكم واخليكم مع الصور ..