حياكم الله حبيباتي الغاليات ...:27:
طبعا اكيد مستغربين من العنوان هذا يالغاليات اختي ام البكيراويين كانت ضيفة شرف اطباق عالم حواء
و طلبوا منها البنات كبسة حاشي ونزلتها لهم
ولأنها من زمااااااااااااااااااااااااااااااااااااااااااان ماصلحت لنا كبسة حاشي
من يوم شفت الصور طرت فيها لأمي وفتنت عليها قلت لها شفتي بنتك وش مسويه :mad:؟
مسويه كبسة حاشي لبنات حواء امي ياعميري قالت بالعافيه عليهن :icon33:
قلت يمه ايه بالعافيه عليهن مااختلفنا لكن شفتي من زمان وانتي تقطر تسبيدتس على وزن تقطر سعابيلتس
ميته على الحاشي ولا عطتك وجه المهم ساعه انا وياها يالله قدرت اقلب راسها على ام البكيراويين
عشان تزعل و تسوي لأمي رضاوة و ننعم بصحن من كبسة الحاشي اللذيذه
و اترككم مع الصور
شوفوا القدر من كبره كأنها تقول يالله سدوا حلوقكم بس :mad:
وهذي صورة الكبسه
هذي صورة كشنة الرز خطيررررة ماشاءالله بس هي حطتها برا لأن فيها بعضنا مايحب الكشنة على الرز
طبعا احب اقول تسلم يدينك يالغاليه كثر الله خيرك يارب ماقصرتي والله
و الشكر موصول لمنتدانا الغالي اللي لولا الله ثم هو مااستمتعنا بالكبسه
و احب اقول الله يعافيك في رضاوة ابوي اب معمول التمر حقك المميز اللي كأنها دونات << وحده تعلمك ناويتلها على نيه
وفي رضاوة قبيلتنا ماابي شي بس لاتنسين اللبن ..
وش بعد وش بعد ياربيه ايه صح نسيت في رضاوة اختي مايحتاج شي لاتكلفين واجد
بس سلامتك كثر الله خيرك ماقصرتي والله يالغاليه
بنات الموضوع للدعابه لكن والله فعلا ماقصرت ام البكيراويين على شغلها الرائع
وترى الصور اخذتها منها وهي جالسه تكمل تحط السفره يعني ماتدري عن شي
لكن بيض الله وجهك ام كريم ماقصرتي يالغاليه الله لايحرمنا منك فعلا كانت ليله ماتنسى :27:
شغل تماااااااااااااام
يعطيك العاااااااافيه
--------------