قبل فترة كانت ماما تعلمني طريقة كبسه كانت تسويها
زمان ..فقالت لي الطريقه وانا طبقتها ..
وكانت بصراااحه روعه ..
لكن اتوقع لو هي بنفسها مسويتها بتطلع الذ
تعرفون اكل الامهات مافي الذ منه ..
الله لا يحرمنا منهم ..
نجي للكبسه ..
الطريقه والمقادير مرة وحدة ..
تجيبي قدر الضغط
وتحطي حلقات بصل وفوقها حلقات فلفل رومي
تاخذي الدجاج وتقطعيه براحتك وتتبليه بالاتي
(صلصله +عصير ليمون +ملح +بهارات +خل +فلفل اسود)
حسب كمية الدجاج ..
وتبلي الدجاج من كل جهه زين
(يفضل تعملي فتحات بالسكين عالدجاج عشان تتبل زين )
تجيبي كاس مويه دافيه وتذوبي فيه ماجي
وصبي عالدجاج .. لازم المويه توصل لثلاث ارباع
الدجاج بس ماتغمرة .. اذا ماكان الكاس كافي زيدي انتي
واذا تحبي الماجي اكثر ممكن تزودي
افتحي النار وخليها على المتوسط
الين تبدا المويه تغلي.. سكري قدر الضغط
وحطي الصمام وخلي النار متوسطه عشر دقايق
وبعد كذا خلي النار واطيه
واحسبي ربع ساعه ..
(اذا عدت ربع ساعه وفتحتي القدر ومالقيتي الدجاج ناضج
زيدي مويه بنفس الطريقه الاولى وارجعي اضغطيها )
تابعوني ..
نجي للرز ..
تاخذي القدر وتحطي شوية زيت
وحبتين هيل وماجي وكم كسرة قرفه .
وقلبيهم مع بعض الين يذوب الماجي
وتحطي الرز عليهم(الرز مغسول ومنقوع )
انا استخدمت ابو بنت
تقلبي الرز مع الماجي مضبوط وتصبي عليه
مويه حااااااارة كافيه لنضج الرز .. واضبطي الملح وحطي فلفل
حار للنكهه
وخليه الين ينضج ثلاث ارباع النضج
ولما تنشف موية الرز حطي عالوجه صفار الزعفران وحركيه بشويش
بس عشان يتلون الرز ..
..
ارجعي للدجاج واذا كان نااضج
ضيفي كوب مويه صغير
وحطي الرز على الدجاج واكبسيه بالملقعه
مضبوط ..
وخليه الين يكمل نضج الرز ..
واذا تاكدتي ان الرز نااضج وحبته نااضجه تمام
يكون كذا جاء وقت التقديم ..
تابعوني
باقي الهديه
:35: