النهردة جيبتلكم اكلة للى عايزة تخلى بالها من وزنها وكمان تنفع لباقى افراد العيلة مش هيحسو انها للدايت وممكن كمان تستبدلى الصدور بفراخ عادية او لحم غنم
نبدا
صدور فراخ مخلية من الجلد والعظم نقعتها فى ملح وخل وماء كادى حلو جدا بيدى للفراخ ريحة حلوة اوى
توابل للسلق
لومى _ ورق غار _ كبة صينى _ هيل _ روزمارى _كمون _ فلفل _اعواد قرفة _ قرنفل
نسلق الفراخ
ونكون مجهزين رز ومنقوع فى الماية اكتر من ساعتين انا بنقعة اكتر
وبعد مستوى
نصفى الشوربة من التوابل
فى نفس قدر السلق
نقطع بصلة ونقليها فى شوية سمن
المصريون ميقدروش يستغنو عن السمن البلدى حتى لو دايت
وبعدين نضيف على البصل معجون طماطم
نضيف تانى الفراخ علشان تاخد من الخلطة وعليها الشوربة ومكعب ماجى ونسيبها تقريبا 10 دقايق
بعدها نحط الرز ونظبط كمية الشوربة
نعلى النار حتى تتشرب الماية
بعدين نضيف غطاء ماء كادى ونوطى النار خالص علشان الرز يتسبك كويس
فى الوقت ده نجيب شوية لوز ونقليهم فى شوية زيت قليلين خالص
3 دقايق مش اكتر وطلعيها على ورق مطبخ وكمان حاولى تشيلى الزيت الزيادة بالضغط عليها بالمناديل كويس علشان متتشربش زيت وتتطلع مقرمشة
الرز استوى قلبيه واقفلى النار وغطى عليه ربع ساعة علشان يطلع مفلفل
نغرف فى طبق ونزينه باللوز
ونقدمه معاه سلطة دايت بقى
يا رب يعجبكم
تسلم يدج يا قمر
http://forum.hawaaworld.com/showthread.php?t=3037850