بنات هذي أول مشاركه لي في قسم الطبخ والأطباق لكن حبيت أشارككم في مجهودي المتواضع في مجال الطبخ اللي قويت علاقتي فيه من قريب بالاحرى حدتني له الغربه لكن أكتشفت انه مجال فن وأبداع مجال رائع لأن أمي الله يسلمها ويشافيها قولو آمين ماعطتنا فرصة نجربه الله يسلم هذيك الايدين ويخليها ...............
ماأطول عليكم جايبة لكم اليوم طريقتي الخاصة في الكبسة واتمنى انها تعجبكم لكن للأسف ما صورت لكم بالخطوات لكن صورت لكم النتيجة النهائية لانها كانت عبارة عن عزيمه غدا لأصحاب زوجي ومع الزحمة نسيت أصور ............. المهم تعجبكم
أخليكم مع الصور وإذا أعجبتكم كملوا الطريقة
وهذي صينية ثانية
وهذي صورة من قريب
وهذي من بعيد
المقادير :
دجاج حسب الكمية
رز بسمتي (أيضا حسب الكميه أنا كانت الكمية كثيرة شوي)
بهارات عدلة وبهارات مطحونه (هيل -فلفل أسود-كمون - بهارات برياني - مسمار (قرنفل)- ملح-ورق غار -ماجي- زنجبيل مطحون-زعفران-قرفة )
2 بصل
3 فصوص ثوم
معجون طماطم
زيت
للتزيين:
بقدونس مفروم
زبيب
بازيلاء
بصل محمر
الطريقة:
1- يغسل الدجاج ويقطع 4 أجزاء
2- يغسل الرز وينقع بماء حار
3- يقطع البصل والثوم ناعم ويحمر بالزيت حتى يذبل ثم يضاف لهم الماجي ثم يضاف الدجاج ويقلب لمده دقيقتين ثم تضاف البهارات ونستمر في التقليب لمدة دقيقتين .
4- يضاف ماء الى الدجاج بحيث يغطي كل الدجاج ويترك لحد مايستوي الدجاج >>> قلبت عاميه.
5- في هالأثناء تسلق كميه من البازيلاء المجمدة في ماء وملح وينقع الزبيب.
6- اذا أستوى الدجاج طلعيه وصفيه بصينية فرن وادهنيه بالخلطه (ملعقتين معجون طماطم + زيت+زعفران +ثوم مدقوق+ رشه ملح+رشه فلفل أسود) ثم يحمر بالفرن .
7- صفي الرز واضيفيه لماء الدجاج واتركيه لحد ما تنشف مويته شوي اضيفي الزعفران على الوجه ووطي على النار وغطيه بقصدير لحد مايستوي.
8- نجي للتزيين (الكشنه) نضع ملعقتين زيتفي التاوة (اناء التحمير) ونضيف له البازيلاء المسلوقه والزبيب وممكن تضيفي صنوبر وتستمري بالتقليب الى ان يتحمروا تماما .
9- نقطع بصل حلقات ونرش عليه ملعقة طحين عشان يطلع مقرمش ونحمره.
وبكذا انتهينا نغرف الرز ونصف فوقه الدجاج ونزينه بالكشنه والبصل والبقدونس المفروم ..
وبالهناء والعافية..
ها عجبتكم الكبسة ه الله الله بالردود والدعاء ...