المهم انا سويتها بالدجاج وكانت مره رووووعه وعجبت زوجي بعد ثلاث ايام قال سوي ذيك الكبسه قلت اوكيه بس فيه مشكله مافيه دجاج قال اوكيه جربيها باللحم قلت وش ورانا نجرب ورحت المطبخ وقلت
خلني اصور وانا اسويها وفعلا طلعت حلوه بس بالدجاج احلى والذ
المقادير
رز الكميه اللي تفضلين
لحم الكميه اللي يعجبك
بصل مقطع
ثوم مقطع
طماطم مقطع
مقادير البهارات
نصف ملعقه صغيره لكل من البهارات (زنجبيل..كمون..هيل..بهارات مشكله)
اعواد قرفه
ليمون اسود
ورقة غار
ملح
الطريقه
نحمس البصل والثوم والزنجبيل بشوي زيت زيتون وزبده
لما يصبح لونه ذهبي نضيف له مكونات البهارات
نحرك مدة دقيقه ثم نضيف اللحم
نتركه على النار مدة مابين 5 الى 10 دقائق بعدين نضيف الطماطم
نحركه قليلا بعدين نضع عليه الماء والملح ونتركه لما يستوي اللحم
بعدها نضع الارز ونقصر عليه ونخليه حتى يستوي
وهذي صورته النهائيه
وبالعافيه على قلوبكم
جربوها وبشروني :42:
عافاك الله