يوم الجمعه الماضي سويت لاهلي
كبسة لحم على طريقتي ..
اول مرة اسوي لحم .. وماما خلتني اتفنن لحالي
تقول واثقه فيني ..:p
والحمد لله كنت قد الثقه .. وماراح انتظار اهلي عالفاضي ..
سويت هالكبسه اللي كثير كثير اعجبتهم ..
وخاااصة بابا
يقول هالطبخ ولا بلالاش..
<< مدحت بنفسي كثير ادري:42:
نجي للطريقه والصور ..
:
:
:
:
تابعوني ..
اخذي قدر الضغط < < عشان ماتطول في الطبخ .
وعبيه مويه وحطي عليه ( مكعب ماجي +بهارات حب اللي متوفر +ورق غار+ ليمون اسود +فلفل حار +بصل مقطع كبير+ قرنفل +|فصوص ثوم +رشه خفيفه كركم)
واول ماتبدأ تفور المويه اضيفي اللحم
انا اخذت الصورة والمويه تفور
طبعا مانحط ملح الا بالاخير عشان مايقسى اللحم .. ويطول بالنضج
واقفلي الضغط عليه << اضغطيها
والنار تكون متوسطه
وخليها نص ساعه ...
(انا خليتها نص ساعه ولما فتحت الضغط كانت اللحمه شوي قاسيه
رجعتها وضغطتها ربع ساعه زيادة ))
يعني على حسب حجم اللحمه وقدرك ..بس غالبا مو اقل من نص ساعه ..
..
عشان نطبخ الرز نحتاج لمرقه اللحم اللي بالضغط
عشان كذا بهالوقت نجهز الاتي
نسلق بيض ونقطعه دوائر
نقطع بصل شرايح ونغمسه بدقيق وبهارات ونقليه << زي حق الكشري
ونجهز الزبيب
تاخذي طاوة وتحطي فيها شوي زيت او سمن ولما يسخن
تضيفي الزبيب وتقلينه
لااااااازم ينتفخ وانا اضفت كم حبه قرنفل عشان تعطيه نكهه
وتشيليه على جنب << هنا راح تروح النفخه حقت القلي :22:
هنا شوفي اللحمه اذا ناضجه
اضيفي الملح لها وخليها شوي تفور عشان تتملح بس بدون ماتضغطينها
وبعدين
حطي اللحمه بصينيه ع جنب .. وصفي المرق..
جيبي قدر ثاني
وحطي فيه
شوي زيت << انا استخدمت الزيت اللي قليت فيه الزبيب:22:
وشرايح بصل
وشرايح فلفل رومي << كميتهم حسب الرغبه .
ومكعب ماجي
وقلبيهم مع بعض تماااااااام
تجيبي الرز (( مغسول ومنقوع مدة كاافيه ))
وتصفينه من موية النقع وتضيفينه على الخلطه وتقلبينه معاهم
الين يختلطون
بعدين اضيفي المرق بحيث انه يكون مناااااسب لنضج الرز
واضبطي الملح ...
والنار تكون متوسطه ..
وخليه يطبخ على راحته