قلت دامني فاضيه والنوم طار من عيني خل انزل لكم صورة الكبسه اللي سويتها سحور في يوم من الايام واتمنى تكون الصوره واضحه
الطريقه:
انحط شوية زيت بالقدر ونحط بصل مفروم ونحمسه بعدين انحط عليهم اللحم ونحمسه مع البصل بعدين نخلط 3 طماطات بالخلاط ونصبهم على اللحم ونضيف بهارات اللحم وبهارات الكبسه و4 ملاعق ملح خشن وليمونه سودا ونخليه يطبخ ع النار الهاديه شوي لمدة ساعه كامله
في هالاثناء نكون منظفين العيش ومغسلينه وناقينه بالماي شوي وشاخلينه ومجهزينه وعقب الساعه انكبه على ماي اللحم ونراعي تكون كمية الماي زينه لاهي زايده ولاهي ناقصه
ونخليها على نار هاديه لين تستوي
ونقدمها مع لبن وروب (زبادي) وعصير تانج وسلطه
وبالعافيه واتمنى اعجبتكم ويكون التصوير واضح:)
