سويت لكم اليوم طبخة لذيذة و مغذية
تجمع بين الكبسة و المجدرة
و إن شاء الله تعجبكم
المقادير حتلاقوها مكتوبة باللون الأخضر مع الطريقة
أول شي نفرم ثلاث حبات بصل وسط , و نقليها في شوية زيت مع حبتين لبمون اسود و اربع حبات هيل و ورقتين غار و ثلاث حبات قرنفل"مسمار" و عود قرفة
و نقلبها في الزيت لين يصير لونها ذهبي
بعد ما يصير لون البصل ذهبي و يذبل , نضيف لحم مقطع مكعبات و نقلبه مع البصل لين يتحمر
بعدين نضيف مقدار قطعة زنجبيل مبشورة+ ثلاث فصوص ثوم مدقوقة + فلفل اسود + كمون + ليمون اسود مطحون+ ملعقة صغيرة خل , و ممكن اضافة بهار مشكل أنا ما أحط أحسه يغطي على طعم اللحم و يخربه و نحرك الخليط و نهدي الحرارة على الآخر و نغطي القدر
يتبع
نضيف الصلصة الى اللحم المقلي
نحرك الخليط
نضيف كزبرة مفرومة و نرفع النار و لما يوصل درجة الغليان نهدي النار على الآخر و نخليه يتسبك مع الطماطم ربع ساعة ...
نضيف كوب و نصف ماء و نخليه يغلي بعدين نهدي النار هلى آخر شي و نخليه ساعة أو حتى يستوي اللحم ...
خلال هالساعة ... نغسل كوب عدس اسمر و نسلقه , و نقلي حبة بطاطس وسط مقطعة مكعبات , و بعدها نقلي شوية صنوبر بس انتبهوا لأن الصنوبر بسرررررعة يتحمر أنا تقريبا احترق عندي , دائما يغلبني هالصنوبر
البطاطس و الصنوبر بعد ما قليناهم
العدس بعد ما انسلق و صفيناه