كبسة المكرونة بالبطاطس والدجاج :happy:
المقادير والطريقة معا :
نقطع بصل متوسط او كبير قطع صغيرة
ونكشنه مع الزيت ونكثر الزيت شوي عشان
تصير المكرونة مفلفلة وماتصير ناشفة
او معجنة على بعضها
المهم بعد كذا نحمس البصل
ونخليه يشقر شووووووي ..
وبعدها نضيف الطماطم المقطع
الى قطع صغيرة ثم الفلفل الرومي
المقطع الى قطع صغيرة ايضا ..
ونحركهم ونخليهم ع النار شوي ثم
نضيف عليهم قطع الدجاج المنزوع الجلد
ومقطع الى اثمان ونحركهم
جيدا ثم بعدها نضع البطاطس المقطع
الى مكعبات وسط ونحركهم و
نضيف الملح او الماجي والبهارات المشكلة
وبالاخص الفلفل الاسود
حاولي تكثرين منه مرة يعطي نكهة قووووية وطعم يجنن
وبصراحة الفلفل هو اطعم شي بالاكل
ومن دونه ماتنفع الطبخات
المهم اخر شي اضيفي الصلصة
يعني تقريبا 3 او 4 ملاعق ثم
بعدها المنكهات ( ليمون اسود + اعواد القرفة + فلفل اخضر حار ) ..
وبعدين نسكب الماء لحد ماينغمر الدجاج
يعني تقريبا لحد نص القدر
ونخلي النار عالية شوي ونتركهم نصف ساعة
ثم نضع المكرونة اي شكل
تحبون والاهم انه نخلي الموية كثيرة شوي
عشان تستوي المكرونة وقبل
الاستواء وقبل ماتنشف الموية نحرك المكرونة
ونوطي ع النار خفيف
ونغطيها ونخليها اكثر من نص ساعة
الى حد ماتستوي تماما .. والافضل
انك ماتخلينها ناشفة يعني يكون فيها
شوووووووي موية تطلع تجنن
وبعدين اغرفيها بالصحن وقدميها ..
واستمتعي بأطعم مكرونة اممممممم
وبالهناء والعااااااااااافية :scream: