مسائكم / صباحكم ورد
كيفكم حبايبي أن شاءالله بخير
اليوم جايبتلكم كبسه لذيذه أدمناها أنا وزوجي
وعشان عيونكم الحلوه صورتها لكم بالخطوات
أنا هنا مسويتها بلحم وتقدري تستبدليه بدجاج
يالله نبدا قطعت اللحم وغسلته ونتركه على جنب ونضع مع اللحم قطعه صغيره شحم
ثم نقطع حبه كبيره طماطم مكعبات وحبه فلفل رومي نقطعه بالطول
و بصله كبيره و ثلاث فصوص ثوم مقطعه صغيره
ثم نضع البهارات ملعقه صغيره كمون ـ ملعقه صغيره كركم <<مهم ــ ملعقه كبير بهارات الكبسه ــ وملعقه صغيره فلفل اسود
3 حبات هيل ــ 3 حبات قرنفل ــ اعواد قرفه ــ ورق غار
نضعها جميعاً في القدر مع ملعقه معجون طماطم
ثم نضع اللحمه و نضعها على النار مع التقليب المستمر حتى تتسبك
ثم نضع عليها المويه حتى تتغطا اللحمه تماماً
ثم بعد الغلياً نضيف ملعقه كبيره ملح ونضغط القدر لمدة 45 دقيقه ــ أذا دجاج فقط ربع ساعه
بعد 45 دقيقه نفتح عنها تكون المويه شوي ناشفه
ثم نضع الرز أنا هنا أستخدمت رز أبو كاس نغطي الرز بالمويه ونوزن موية الرز حسب كمية الرز ونضغط عليه
يتبع بليززززززززززززز لاحد يرد
وهنا بعد ماوضعتها في الصحن وزينتها بالبقدونس واليمون
وهنااااا زوووووووووووووووووم اللون هنا موبين والا هي صفرا يمممممممممم يممممم
وقدمت معاها سلطه عاديه وسلطة الزبادي مع الخيار والجزر لذيذه معاها
أنتهينا بالعافيه على قلوبكم
أبي أشوف تطبيقاتكم اليوم على الغدا ..