لاغلى حوائيات
مين الي ما يحب الكبسه ومين الي ما تسوي الكبسه
الكل طبعا مع فارق بالطريقه والمقادير
وانا عندي طريقتي الخاصه في عمل الكبسه وتطلع الذ كبسه
لا تحمسي ولا تكشني ولقيتها سهله وجيده لانها ما تطلع ريحه قويه في البيت وانا ولدي عنده ربو مايتحمل ريحت الكشنه يعني بتنفع للي عندها نفس معاناتي
وهذي صورتها عشان عيونكم الحلوه
الطريقه
نظفي اللحم وياليت لو يكون فيه شوي شحم يعمل نكهه في الرز
قطعي بصل
صلصة طماطم
وطماطم
5فصوص ثوم مهروس
1 ماجي
برشة زنجبيل اخضر
فلفل اسود حب ومطحون
كزبره ناشفه حب ومطحون
كمون حب ومطحون
هيل حب ومطحون
قرفه حب وقرنفل حب
ورق غار وليمون اسود وخولنجان
شوي سمن فارم
وفلفل اخضر حار بس لاتنزعي راسه عشان ما يصير الرز حراق زياده
بعد ما تغسلي اللحم خليه يغلي في قدر الضغط الين يطلع الريم انزعيه وضيفي كل المقادير السابقه ما عدا السمن
مع اللحم وغطي قدر الظغط كويس وخليه الين تستوي اللحمه في هذه الاثناء اغسلي الرز البسمتي
انا استخدم الشعلان أو تلدا انقعيه في ماء فاتر تقريبا نص ساعه لساعه حسب نوعية الرز
بعدين افتحي القدر بحدر صفي المرق من البصل والطماطم والبهار
وضيفي الرز وخلي النار متوسطه اول دقيقتين بعدين ارخيها عالأخر وغطي الرز وخليه ينطبخ على مهله
مع مراعات ان يكون المرق مرتفع مقدار اصبع عن الرز لمن يستوي ارفعي الغطى وحطي السمن الفارم وقلبي شوي شوي وارجعي غطيه وخليه يكمل ا ستوى ببخاره
ويطلع ولا اروع
احلى كبسه تاكليها في حياتك
جربو وادعولي