بسم الله الرحمن الرحيم
هاذا سلمكم الله ياغوالي سويت عشاء لأصدقاء زوجي في ديوانيتهم بمناسبة سلامة عيالي 2 منهم سوينا لهم عمليات وحده بالكلى وواحد بالاسنان
المهم مااطول عليكم
كبستي
عن 3 دجاج مقطعه انصاف+ 8 كاس رز+ ثوم وبصل مطحونين+بهارات منزليه +فلفل اسود حب ملعقه صغيره+ هيل 8 حبات+دارسين كم حبه+ورق غار+ وملح وماجي ابيض اجينى موتو
تتبيلة الدجاج
كرتون صلصه صغير +صفار زعفران+بهارات +ملح+ثوم مطحون+زيت+كزبره مطحونه +شوي فلفل اسود وحركي الى ان تختفي ريحة الصلصه وتطلع ريحة البهارات واذا ماطلعت زيدي بهارات
للتزيين النهائي
6 بيضه مسلوقه+شرايح من البصل الابيض الكبير والليمون والطماطم
وبصل مقطع شرايح رفيعه ومملح شوي ومقلي
+ وملى ايدك بقدونس
الطريقه
في قدر كبير حطي زيت وسمنه وضعي عليها البصل والثوم وقلبي وبعدين الدجاج وخليه على جهه وحده الى ان يتغير لونه بس مايغمق بعدين اقلبيه على الجهه الثانيه
بعدين ضعي عليه البهارات كلها و الصحيحه منها وقلبي شوي بعدين ضعي عليها ماء ومله والماجي وخليه تطبخ نص ساعه
بعدين طلعي الدجاج وتبليه بالتتبيله المكتوبه وبالفرن
وصفي ماء الدجاج واسلقي الرز فيه واذا قرب يستوي الرز ضعي عليه صفار الزعفران من فوق علشان الطبقه الصفراء
بعدين في الصحن ضعي الرز الابيض وفوقه الاصفر بعدين الدجاج ثم زينيه بالبيض والبصل والليمون والطمام والبصل المقلي وبالاخر بالبقدونس
انا سويت معاه خلطة فلفل وسلطة فتوش وسلطه عاديه
وحلى عشاء
وبالعافيه على قلوبكم
ام الكرم والجود @am_alkrm_oalgod_1
محررة برونزية
يلزم عليك تسجيل الدخول أولًا لكتابة تعليق.
**fofo**
•
الحمدلله على سلامتهم ... وتسلم يدك
الصفحة الأخيرة