نبدا كده مع بعض بالسلام
سلام الله عليكم ورحمه الله وبركاته
وبعد كده
هوب على الموضوع
بما اني تالقت
في طبخ الكبسه في بتي
وحصلت على شهاده احسن طباخه كبسه
من زوجي طبعا
قلت لا لازم انزل للبنات المقطقطين دول طريقتي
نبدا بقي كده
وانا رافع راسي لفوووووووووووق
انا هدخل على طول بالطريقه ومكتوب فيها المقادير
اول حاجه ياشاطره منك ليها
هتجيبي بصله كده حلوه مقطقه وتقشريها وتطحنيها في المطحنه ماشي
هتحطي بمقدار كده كبشه زيت وبعدين لما يقدرح نحط البصل ونلقب لغايه لما يكون اصفر غامق كده
نسيت اصور بقي معلش
بعد كده تجيبي الدجاجه اللي انتي غسلاه او اللحمه اللي سلقاها انا حاطه لحمه هنا
وتحطيه وتقلبي على نار هاديه
وبعدين تحطي معلقتين بهارات كبسه
وتحطي 3 ليمونات من الليمون الاسود ماشي خلي بالك
مع ملعقه كبيره ممسوحه قرفه مطحونه ولو مش عنك حطي اعواد
وملعقه كبيره ممسوحه كمون
ملعقه صغيره شطه
وملعقه صغيره فلفل اسود ممسوحه برضه
وتقلبي كل ده
مع الدجاج او اللحمه
وتقومي حطه كبشه طماطم
او صلصله اللي عندك
ونقلب
ونحط 3 ملاعق ملح ونقلب برضه
ونسيبها عشر دقائق
2
وبعدين نحط 3 كوبايات ميه ونزود النار شويه
ونسيب الفراخ تستوي نص سوي
بعد عشر دقائق نشيل الفراخ
لو حطه لحمه شيليها بلاش العشر دقائق التاينه علشان هيا خلاص مسلوقه
ومش تتهري
بعد كده تغسلي الرز
والكبسه ليها رز لوحدها
وانا بعاير بالكاسه دي.
1
نغسل 4 كوبايات وربع رز
ونحطهم مع الخلطه دي
وده الرز
وده بعد ما حطنيه في الخلطه
ونقلبه
3
>
ونبشر 3 جزرات
على الرز
ونحطه فوق الرز علطول
4
وبعدين نحط زبيب بمقدار فنجانين قهوه
5
وبعدين نحط الفراخ او اللحمه
ونشعر عليهم ونغطيهم
بعد نص ساعه ندير الحله اللي قدام وره واللي وره قدام علشان يستوي كويس
ولو حسيتي ان الرز بعد دول لسه ناشف كده
حطي نص كبايه ميه رشيها كده
ولو لسه مش عملتي اللحمه مش مشكله
انا كنت لسه مش عملتها وبعد ما اللحمه بتستوي
والكبسه تخلص بدفن اللحمه فيها وبتاخد ريحتها برده
ودي كانت حله اللحمه
ودي بقي بعد ما استوت خالص
6
7
8
وتعملي جمبها طبق سلطه
وكولي بقي احلى طبق كبسه
ويارب تعجبكم وتنال رضاكم يارب
ومش تنسوا تدعولي بقي ماشي
والا هاجي وراكم اعضكم وهتحلموا بيا كمان
