كيف الحال والاحــوال
اليوم الضهرصحيت من النوم قلت لزوجي ابي كبسة جمبري
ضحك علي قال اول شئ غسلي وصلي وبالليل اجيب لك جمبري
مسكت معي غلط بس احلا مسكه هههههههههه
المهم من العصر وانا احوس في النت ادور طريقة حلوه للجمبري
بس اغلبها بخضار وفيها سلق رز وحوسه والمهم بعد هالتعب سويتها من راسي
وطلعت جناان وخطيره
وصورتها لكم بالخطوات
اول شئ طبعآ بصل وفليفله وبهارات
وبعد ماتحمر وذبل اضفت الطماطم والبهارات المطحونه والملح والزنجبيل والثوم
وحركتها وبعد ماذبل اضفت الزبادي
وبعدها حركته شوي واضفت الجمبري
وحركتها زين واضفت لها في علبة الزبادي ماءوخليته يغلي دقائق
وبعدها اضفت الرز
وبعدها خليته دقائق علي نار عاليه وبعدها وطيت عليه النار وهذذا شكله بعد ماخلص
واعذروني ع الشرح البسيط
وكل وحدها تعجبها كبستي تدعيلي بالذريه الصالحه
ايه نسيت اقول لكم ان زوجي مالقي الا هالروبيان الصغير والا انا موصيته بكبار
بس كله نفس الطعم