ماشاء الله ولا حول ولا قوة الابالله
نبدا بكبسة الدجاج ...
نحمس بصله وسط مقطعه مربعات صغيره ونحط معها اربع ليمون اسود لان الي عندي صغار واذا كبار يكفي اثنين وحبات من الهيل وحبتين من الفلفل الحار ونحركهم مع بعض بشوي زيت ثم نضيف حبتين ماجي دجاج ورشة فلفل اسود و ربع ملعقة صغيره صفار زعفران وننحركهم شوي بهذا الشكل .....
بعدين نحط فوقهم حبتين طماطم حجم وسط مقطعه مكعبات صغار ثم نحركم شوي بهذا الشكل ......
ثم نضيف الدجاجه وبالاخير نضيف الماء الحار بهالشكل .......
ثم نجهز الحشو وهو عباره عن حبة جزر كبيره مقطعه بالطول بشكل اصابع وحبتين بطاطس وسط مقطعه اصابع وبصله وسط مقطعه شرائح وتكون بهذا الشكل .....
نحط الخضار على النار ونحركهم بشوي زيت باستمرارعلى خفيف "ملاحظه " قلت باستمرار علشان ماتلصق الخضار ببعض تابعي عليه حتى تذبل الخضار ثم ضيفي الملح لرشة فلفل اسود و ملعقتين كبار معجون طماطم بهذا الشكل ...
ونحركهم على النار شوي ثم نشيلهم ونخليهم على جنب وتكون بهذا الشكل ........
نغسل كأسين من الارز وهو رز ابو شماغ لان البنات سألوني وش نوع رزي ومقداره بكأس الجبن الحجم العادي وغسله ونقعه قبل لااطبخه بربع ساعة لانه مايحتاج طبخ كثييير وهذا شكله........
بعد نضج الدجاجه نطلعها بصينيه للفرن وندهن وجهها براس الملعقه بشوي معجون طماطم ورش سطحها بزيت وندخلها الفرن لتحمر وتكون بهذا الشكل قبل الفرن ......
وهذا شكل الارز اول ماحطيته مكان الدجاجه بالقدر وخليه على نار وسط لينضج .......
ثم نبدا بسكب الارز بصحن التقديم ونحط الدجاج عليه ثم نرش سطحها بالخضار ونزينها بالليمون الاصفر والبقدونس يعنـــــــــــــي لاتحطون مرق او صينيه خضار او سلطه لانه مايحتاج الكبسه فيها كل شي يعني ثلاثه بواحد هههههههه وهذا شكله بالاخيــــــــــــــــــر.....
جعله بالعافيــــــــــــــه يارب .......
رجاااااااااء يابنات لاتردون باقي الملوخيه
نحمس بصله كبيره مفرومه ناعم او مقطعه صغير ونحط معه ثلاث فص ثوم مع حبة فلفل رومي وسط مع اعواد من القرفة " الدارسين" وحبتين فلفل حار ونحركهم شويبهذا الشكل ....
ثم نضيف عليهم حبة دجاجه مقطعه قطع صغيره وننزع عنها الجلد وتكون بهذا الشكل .....
ثم نضيف عليهم حبتين من الماجي وشوي كمون مطحون مع شوي فلفل اسود بهذا الشكل ....
ثم نحركهم شوي وضيف عليهم عصير حبتين طماطم صغار او حبه كبيره وتكون بهالشكل ......
ونضيف الماء بالكميه الي بالصوره التاليه ونخليها تطبخ لمده ربع ساعه او ثلث على حسب حجم الدجاجه عندك
ثم نبدا بفرم الملوخيه انا استخدمت ربطتين ملوخيه بس ترا حجم الربطه صغيره وفرمتها بهالفرامه مع ربع بياله مويه......
وفرمت كمان دفعه ثانيه زيها وخليت الفرم نص ونص مثل هذا الشكل.....
بعدين نضيف الملوخيه على الدجاج ونعطيها فورتين ثلاث لاني مااحبها تتمطط ابيهاوسط بهالشكل .....
نحمس حبتين ثوم اضافيه بشوي زيت ثم نصبها على الملوخيه قبل التقديم
وبالاخير حطيتها بصحن التقديييم وقدمتها مع خبز ورز ابيض وهذا شكلها.......
وبالعافيــــــــــــــــــــــــــــــه ...... دعواتكم دمتم بود