كبسه دجاج مو اي كبسه جناااااان

أطباق رئيسية

السلام عليكم


امس سويت غدانا كبسه


اسويها لابو الشباب وتعجبه هوه والعيال


ومن اعجابه فيها يطلبها احيانا يشتهي لها


من لذاذتها وطعامتها


مو والله مدح بس هذا الصدق >>>>اخلصي ههههه


بدخل على طول في المقادير والطريقه


اول اسلقي دجاجه وعلى فكره ممكن تسويها باللحم تطلع جنان


اسلقيها في مويه منكهه بالليمون الاسود والبصل والكرفس اذا مو موجود استغني عنه


والملح والثوم 3فصوص وقرفه وهيل


وهذي الصوره تتكلم





في قدر ثاني قطعي بصل حلقات وثوم حلقات كثري بصل وثوم هذا من اسرار الكبسه


وابشري عليهم جزر وحطي عليهم البهارات التاليه (فلفل اسود - البهارات المعتمده عندك-وليمون اسود مطحون مهم-وزنجبيل مطحون - وكركم - وملح - وزيت ملعقتين كبار)


زي كذا



وبعدها احمسيها واذا ذبلت ضيفي عليها بصل اخضر مفروم





وبعدها حطي طماطم حبه مقطعه انصاف حلقات





واضيفي ملعقه معجون طماطم وصويا صوص زي الصوره وهذا السر الثاني





و احمسيها وخليها تتسبك على نار هاديه


وبعدين استوى الدجاج وحطيته على الحمسه السابقه





واضيف عليه مغرفه من مرقه الدجاج واغطيه واخليه يغلي على نار هاديه





واكون قد حطيت الرز في مرقه الدجاج طبعا الرز مغسول ومنقوع
واضيف عليه قرون فلفل للنكهه او فلفل بارد وممكن تضيفين الفلفل البارد للدجاج السابق


وبعدين اخليه يستوى نص استوى وبعدها اصفيه واضيفه على الدجاج


واكون قد سويت خلطه هيه كركم ملعقه وزيت ومعجون طماطم تخلط مع بعض وتحط على ارز


هذي الخلطه





وهنا بعد ما اضفتها على الرز





وبعدها قصدرتها وحطيت الغطاء وخليتها على نار هاديه لمده نصف ساعه




وهذي الكبسه قولو ما شاء الله وسمو بالله خخخ



وزووووووووووم اكثر



وسويت معها سلطه حاره مطحونه



وملوخيه لذيذه




وبكذا انتهيت

والف عافيه عليكم مقدما


ملطووووووووووووووش لعيوونكم
34
10K

يلزم عليك تسجيل الدخول أولًا لكتابة تعليق.

تسجيل دخول

نـــور
نـــور
ماشاء الله
البرستيجه2
البرستيجه2
اسعدني مرورك يالغلا
المعتزه بقيمها
ماشاء الله ...اشتهيت والله
البرستيجه2
البرستيجه2
الف عافيه على قلبك شاكره مرورك
هـام السحب
هـام السحب
حلووووووووووووووو ... ماشاء الله تبارك الله
تسلم ايدج