نبدا اولا في قدر الضغط حمصت البهارات العدله والمطحونه بشوي زيت وبعدين اضفت اللحم يتحمس شوي واضفت ماء وملح وكتمته 20 دقيقه وهذا شكله
ونفس الشي عملت للارز ولكن اضفت بصل اخضر مع الزيت وبهارات عدله وحمستها شوي وبعدين اضفت مرقه اللحم بعد ماصفيتها وسلقت الرز فيها ثلاثه ارباع الاستواء
للنكهه... نحمر كميه واجده من البصل تقريبا ثلاث بصلات حتى تغمق شوي ونصفيه على ورق نشاف ونحمر مكانه صنوبر وزبيب ونخليه على جنب ونفرم كميه كزبرة ونعناع وكمان نخليها على جنب
بعدين نجي للحشوه عباره عن بصل وثوم في زيت او زبده وبعدين طماطم وومعجون طماطم وبهارات مشكله وفلفل اسود وكمون وكزبره ناشفه وبابريكا وماجي وملح وصلصة صويا واضفت الخضار جزر مبشور وبطاطس وفلفل رومي وبعد مااستوت الخضاار اضفت اللحم اللي صفيته عشان ياخذ الطعم وكزبره خضراء مفرومه و علبه زبادي وقلبته وتركته على جنب مثل الصوره..
ياكثر ماقلت خليته على جنب ,,,,,,,,,,,,,,هههههههههههههههههههههه
نجي للترتيب وناخذ قدر الضغط ونحط فيه شوي زبده ووشوي من البصل المحمر والنعناع والكزبره المفرومه طبقاات يعني .. وبعدين الحشوه وشوي بصل محمر ونعناع وكزبره وبعدين كميه الرز كلها ونضيف شوي بصل محمر وكزبره ونعناع وقرنين فلفل اخضر ومقدار قليل من ماء الورد او الكادي تقريبا غطا او اثنين حسب عددكم في فنجان ماء مذوب فيه شوي زعفران ووزعيه على الوجه وشوي صبغه زعفران انثريها على الوجه كمان مع شرحات بسيطه من الزبده
ونكتمه من 8 الى 10 دقايق على نار هاديه لان كل شي مستوي وبعدين نقدمه ونقلبه بصحن كبير وخلي احد يساعدك
وقدمت معاه سلطه فواكه كنوع من الحلا عباره عن فواكه مقطعه الموجود عندك وحطيت معاه اسكريم اللي مثل الكب كيك نوع فانيلا ومانجو وفستق على الوجه قبل التقديم بربع ساعه عشان لوحده راح يذوب وينزل على الجوانب وزينته بالفستق وشوي على الوجه من سن كويك وفيمتو مشروبااات رمضاان كخطوط ماتتخيلوا قد ايش تعطيها طعم وحموضه رهيبه ورشيت عليها فستق ورق نعناع واللي ماعندها اسكريم كافي ممكن تحط نوع من العصير الثقيل كالمانجو او الفراوله...
وقدمت جنب الطبق سلطه زبادي وخيار ونعناع وحياااكم الله على قل الكلاافه........
اتمنى يعجبكم واشوف تقييمكم..........