اخباركم صبايا
مدري ادا حد تكلم عنها قبلي او لا بس حابه اطرح لكم تجربتي
المهم انا لي 15 يوم بالضبط وانا استعمل جلوفيت glovit
هذي كبسولات عباره عن مكملات غذائيه
من فيتامينات ومعادن
من جد لاحظت تحسن في جسمي من ناحية الخمول والكسل اللي كان معايا 24 ساعه
ما صرت احسن فيه الحمدلله
وفوق كدا لون بشرتي كان باهت جدا
دحينا بدات احسن انو فيه حياه ونضاره بوجهي
يعني انصحكم فيه صحيا
مو تجوا تقولو لي يبيض او يسمن هوا لا يبيض ولا يسمن
بس يمد جسمك بالفيتامينات والمعادن اللي ناقصتك
اضافه مهمه /
حبوب الفيتامينات عموما ما منها ضرر بأذن الله فلا تقولو منها ضرر او لا هيا تعوض النقص اللي بغذائك ومنها مشاكل ابداااً
بس المشكله فينا ناخذ هالحبوب من اي مكان لا تاخذوها من غير الصيدليات لانو الصيدليات عليها رقابه ومحاسبين على كل شيء.
وحتى اقطع الشك باليقين سألت انا شخصيا دكتوره عنها وقالت مره كويسه .
الاستعمال ضروري يا بنات /
مره وحده في اليوم + بعد الاكل مهم جدا بعد الاكل لا تاكليه على معده فاضيه لانو راح ترجعيه وما تستفيدي شي
ومو بعد اي وجبه مو تاكلي قطعة شوكولاته والا بسكوت او نص ساندوتش وتاخديه لازم بعد وجبه ولا زم بعد اخذ الكبسوله كوب ماء .
هدا هوا
30 كبسوله زي ما انتو شايفين يعني يكفيك شهر كامل
سعرو 46 ريال
و اول موضوع ليا
ان شاء الله يفيدكم
:27:
جزاك الله خير