أول مره اسوي كبــــــــه.. و كنت مررره مشتهيه اتعلمها.. و سألت خالتي *أم زوجي* عن الطريقه.. لأنها تسويها بشكل لذيـــــــــــــــــذ ما شاء الله عليها
و جربتها و طلعت خيااااااال الحمدلله..
وقلت لاااازم أفيد خواتي حبيباتي بنات حواااء
تفضلو المقادير و الطريقه مره وحده..
مقادير الكبه
نص كاس جريش منظف و مغسل زين و منقع بماي حار حوالي 20 دقيقه.. ثم اشخليه زييييييين و اعصريه زيييين لازم ما يكون فيه ماء أبددد
كاسين برغل ناعم..منظف و مغسل زين و منقع بماي حار حوالي10 دقايق.. ثم اشخليه زييييييين و اعصريه زيييين لازم ما يكون فيه ماء أبددد..
حبتين ماجي مبشور.. حبتين ثوم مهروس زين .. بصله صغيره مبشوره بشر ناعم.. شوي بزار و ملح حسب الرغبه..
الطريقه..
حطي الجريش في الفرامه شوي.. لا يفرم كثير.. ثم اضيفي له البرغل الناعم .. و افرميهم شوي بس.. بعدين طلعيهم و في صحن او اناء.. اعجنيهم مع بعض و اضيفي لهم البزار و الملح و الماجي و البصل و الثوم حتى يصير عجينه زينه.. و ذوقي.. و حطي الملح حسب اللي تبين..
بعدين كوريهم كذا
و ابدي الحشي..
انا حشيتهم جزء حشوة لحم.. وهي تحمسين بصل شوي بعدين اضيفي ثوم و اللحم المفروم و الملح و الفلفل و الدارسين و الليمون الأسود و شوي بهار.. و فلفل حار و شوي كزبره و صنوبر محموس..
و جزء آخر.. حشيتهم ببصل محموس اضفت له بطاطس مقطع صغار حتى يصير مقرمش شوي.. و اضفت كزبره شوي و فلفل حار و صنوبر محموس
و لمه خلصت من حشيهم صارو كذا :)
و حطيتهم بالفريزر شوي.. علشان يجمد و ما يفك عند القلي..
سخنت زيت غزير و حاااار.. و قلتيهم و حطيتهم على ورق ناشف يسحب الزيت منهم..
و هذا الصحن للتعذيــــــــــــب..
انا اللي تعذبت و اشتهيييييييييتهم..
بنات من جد لذيييييييذ
جربو و وروني تجاربكم :39:
فمان الله و حفظه
تسلم الايادي