@@@كبـــــــــــــــــــــــــ ــ الدجاج ــــــــــــــــــــــــــــــ ـة@@@

السلام عليكم ورحمة الله وبركاته

كيفكم اخواتي بنات حواء ان شاء الله كلكم مرتاحين
مابي اطول عليكم جبت لكم كبة الدجاج اتمنى تجربونها وتعجبكم


المقادير

2 صحن دجاج فيليه
2كاس برغل ناعم
كاس ماء واحد فقط اهم شي يغمر البرغل ويغطيه
بهارات_ملح
2بصل بحجم البيضه
الحشوة:
عصاج دجاج حشوه عاديه
(بصلتان_دجاج مفروم_ملح_فلفل_بهارات)

الطريقه:
1-يفرم الدجاج الفيليه في فرامة اللحم مع البصل لاول مره
2-يغلي(الماء+الماجي)مع تحريكه حتى يذوب الماجي ثم ينقع البرغل فيه لمدة ساعه تقريبا
3-يشخل البرغل ثم يخلط مع الدجاج اللي سبق فرمتيه مع البصل وتفرمينهم مره ثانيه في الفرامه حقة اللحم مع اظافه البهارات والملح
4-بعد كذا راح تتكون عندك عجينه للكبه متجانسه
(ملاحظه مهمممممممه:اذا صارت العجينه حقت الكبه لينه هاذا معنها انه فيها نسبة مويه وعشان تخلينها متماسكه خذي مقدار نص كاس رز واغسليه وبعدين جففيه واطحنيه وخليه ناعم مثل الطحين واظيفيه لعجينة الكبه عشان الرز فايدته انه يشرب المويه اللي بالعجينه ويخليها متماسكه)
5-تاخذين من العجينه المقدار اللي تبينه وتكببينه بالشكل اللي تبغيه وتحشينه بالحشوه وعند التكبيب استخدمي النشا او مثل ماتسوي اختي الدكتوره في الكبب ام عزيزان بانها تحط مويه مع ثلج
انتي واللي يناسبك
6-تقلينها بزيت غزير وماتزيدين عن اربع كبات للقلي بالمره الواحده عشان ماتتفكك عندك الكبه
للتخزين:تصفين الكبه في صحن كبير ومسطح وتغلفينها بكيسه وتظعينها بالفريزر فاذا تجمدت وصارت كالحجاره توضع في علبه في الفريزر

اتمنى تصلحونها وتعجبكم وتكتبون لي ردودكم
ولاتحرموني من دعائكم بالغيب ان ربي يغفر لي ويفرج همي وييسر امري
بالعافيه عليكم