كبه بالصبنيه

و عليكم السلام


الكبة بالصينية

لحمة عجل هبرة

برغل اسمر ناعم و المقدار كل اوقية لحمة (200 غرام)يلزمها كباية برغل يعني نفس الوزن

كمونة و رح اعطيك المقادير


نصف ضمة بقدونس
ثلث ضمة نعناع
بصلة كبيرة مقطعة
كباية برغل ناعم
ربع كباية كمون مطحون
حر احمر بودرة(حسب الرغبة و ممكن بدونه)
ملح

في خلاط ماكينة اللحم نضع المقادير و نطحنها و بما ان استعمالاتها مش يومية ممكن تنشريها على صينية كم يوم حتى تتيبس و تقسميها وجبات و بالفريزر


الطريقة

من شان كباية البرغل تطلع تمام لازم تلتها كمونة و الباقي برغل سادة

بوعاء واسع نضع كباية الكمونة و البرغل مع شوي ماء و نتركه حتى يتش و بعدين نفركه او ندعكه باليدين سوا و بعدين نضيف اللحمة و الملح و ندعك جيدا و نضيف شوي ماء و ندعك حتى يصيروا متجانسين و المهم متماسكين يعني ما يفكو عن بعض و لو لقيت بدهن ماء زيدي شوي الى ان تحصلي على عجينة الكبة لما تصير تلف على بعضها


للحشو

لحم عجل هبرة مفروم ناعم
بصلة مفرومة ناعمة
ملح
بهار
زيت نباتي
صنوبر مقلى و محمر

الطريقة

بالزيت نقلي البصلة و نتركها تنضج على نار هادية و بعدين نضيف اللحم و الملح و البهار و الصنوبر و نتركها شوي حتى تنشف المي

بعدين نقطع العجينة نصفين و بصينية مدهونة بشوي زيت نرق اول قسم على وسع الصينية و نحط عليه الحشوة و بعدين النصف الثاني من العجينة نرقه اقراص واسعة و نلصقها ببعض جيدا و نبل ايدينا بشوي مي نملس الوجه و بعدين نقطعها باي شكل بدنا ياه و نحط على وجهها زيت(و الخيار لك زيت زيتون او زيت نباتي) و بعدين شغلي الفرن 10 دقائق و حطي الصينية فقط من اسفل على 250 د و لما تستوي الارض حمري لها الوجه

تقدم مع سلطة البندورة و الخيار و النعناع الاخضر

و صحتين

اما عن الصورة

فللاسف اني كنت عاملتها اليوم و لو اعرف قبل بوقت كنت صورتها

شكرا جزيلا..

بس انا مبتداه ..بحاول اسويها ..

بما انك مبتدأه شوفى حأعطيكى طريقتى سهله وبسيطه
عشان انا بالجامعه لازم اروح بسرعه واحضر الغداء لاولادى فابتكرت هاى الطريقه

تجيبى كوبين برغل ناعم وتجيبى نصف كيلو كفته مطحونه طبعا بالبهار والبقدونس
والبصل تعجينيهم معا
والحشوه كفته وبصل تحمريهم على النار حتى يستووا

لا تنسى الملح والبهار حسب الطلب

تقسمى العجينه البرغل قسمين الاول تمديه على الصينيه وفوقه الحشوه
والقسم الثانى فوق الحشوه
وتضعيه فى الفرن حتى يحمر القاع
ثم تحمرى الوجه وبالهناء والشفاء
ولا تنسى ان تقسمى الصينيه الى مربعات..........

لا تخافي

لما عملتها اول مرة كنت كمان مبتدئة و مش صعبة ابدا هي شرحها طويل

مشاء الله عليكي ياوركيدا دايما ماتقصرين مع احد
شوفي هذا الرابط فيه كل المقبلات اللبنانيه ومن بنها الكبه بالصنيه
http://forum.hawaaworld.com/showthread.php?t=75133