كبه <<عاد مسويه نفسي جبت شي جديد>>ههه
الكل يعرف مقادير الكبه (كيلو برغل مغسول ومنقوع ومصفى طبعا كيلو لحم هبر +ملح بهار حلو فلفل ورشة دارسين قرفه و(حسب الرغبه بصل وثوم مفرمين)
نفرم اللحم والبرغل مع بعض حتى يصيروا ناعمين وتكون عندنا عجينه متماسكه وتتشكل
الحشو هنا التاليف الي تحبي الحشوه المعروفه لحم محمس مع بصل وثوم وكزبره خضراء وبهار مصنوبر
او حشوة دجاج بنفس الطريقه
او حشوة خضار وتكون الخضار مبشوره ومعموله بنفس الطريقة تبع للحمه
التاليف الثاني جبنة كيري ساده او مع كزبره وبقدونس وبصل وثوم وملح وبهار طبعا لا تخافو ما تفرط بس تكون عجينتك مضبوطه
طريقة الحشو معلاوفه بعد تاخذي قسم من العجين وتكوريه وتسوي فيه حفره وتحطي ملعقه من الحشوه وتقفليها وتكوريها ولما تسوي كميه فرزي الباقي لوقت الزنقه والتاليف
الطبخ الطريقه الي تحبي مقلي مشوي وبالصلصه باللبن
والي سويته وخلاه اوربي تعالوا شوفو
شويت حبات الكبه بالفرن مع رشة زيت خفيفه استخدمو بخاخ حتى يكون الرش متساوي وحتى ما تلتزق او تشرب كميه كبيره من الزيت
وبعدين الصلصه وهنا الفلسفه
كوسا وبطاطا مبشورين (وبصراحه كنت مسويه في نفس اليوم محشي والي فرغته من الخضار استخدمته في الصلصه حرام يترمي)
سلقتهم مع بصل وثوم وملح وبهار النكهه الخليجيه هيل طبعا <<مو قلت لكم خليجيه <<تقول سوت شي ههه
لما استوت الخضار هرستها بالخلاط وحطيت عليها كريمه وحليب (الي عندك بودره اوسائل واذا بودره ذوبيه في كاس ماء وحطيه عادي واذا مافي كريمه قشطه قيمر عادي بس اخلطي بسرعه حتى لاتتكتل القشطه) اتفلسف
وبعدين صفي حبات الكبه المشويه او اذا تحبوها مقليه افضل مشويه تكون اخف واصح في صينية البايركس الخاص بالفرن ونصب عليه الصلصه ونرش جبن موزاريلا وبرش بارمزان واذا مو موجود حطي تشدر كرافت لا تتعقدوا حطوا الموجود
وندخلها الفرن حتى تستوي كمان الكبه وتثقل الصلصه شوي وفي الاخير رشي كزبره خضراء للتزين
شفتو كيف ما يبيلها <<من جد اتفلسف<<
الاكل العربي معروف-نكهته في البهار وكمية اللحم والخليجي برشة الهيل الي نموت عليها ي كل وصفه
والاوربي باكريمه والجبنه مزيج خيالي
ويسامحوني خواتي الشوام دخلت عرض على اكلتهم المشهوره وغيرت فيها
هذي حبه كبه بروحا في الصحن للاثبات <<<واسيل لعابكم واشهيكم
وبصراحه انجنوا عليها اولادي وصاحبتي جت تاخذ صحنها في وقت تاخر من الليل وكلتها بارده بس حلاتها سخنه والجبنه سايحه
جربوها وبشرونييييييييييييي
وهذي الصوره للصينية تتحدث
الموضوع لج والا منقول حياتي؟
يعني انتي مجربتنها ؟
الله يعطيج العافية ياقمررررررررر..