كبه لبنيه وكبه مقليه

أطباق رئيسية

77
5K

يلزم عليك تسجيل الدخول أولًا لكتابة تعليق.

تسجيل دخول

نسررين❤️
نسررين❤️
اول شي لايكات يا بنات حابه افوز بالمسابقة الله يسعدك ويفوفقكن يارب

طبقي اليوم كبه مقليه وكبه لبنيه
مكونات العجينه تبع الكبه
٣كاسات برغل ناعم كتير وكاسه لحمه ناعمه هبره وبصله كبيره ومعلقه فليفله حمرا ناعمه ومعلقه بهار زرزور ومعلقه ملح 
مكونات الحشوه نص كيلو لحم يكون مدهن شوي وبصلتين كتيير ناعم يفضل يكون مبشور ونص كاسه زيت وصنوبر(وبقدونس) اختياري وملح حسب الذوق 
للطبخ للكبه المقليه مقلي زيت غزير
وللكبه اللبنيه نص كيلو لبن زبادي يكون حامض شوي ويفضل يكون لبن غنم ومعلقتين نشا وملح حسب الذوق
نسررين❤️
نسررين❤️
الطريقهبعد مانعجن المكونات بالأيد شوي لتتماسك طبعآ البرغل المنقوع والهبره والبهارات بنبل ايدنا بمي ونحنا عم نعجن بعدين  نحطا بالفرامه مع البصله للتماسك اكتر وبس تطلع نشكلها بالايد ازا فرطت معناها بدها عجن كمان نعجن بالفرامه مره تانيه لتتماسك وبس تماسكت بنشكلها ونحشيها بالحشوه ولازم تكون الحشوه بارده تمام بنقرص المقلي دوائر واللبنيه مطاول وطبعا مع بل الايد بمي أثناء التشكيل وبس نخلص بنحمي الزيت وبنقلي اللي بدو قليالبنيه لتر ونص مي مع نص كيلو اللبن ومعلقتين النشا والملح  بنحركن منيح مع بعض طبعآ بنضيف المي بالتدريج أثناء التحريك عالبارد وبس يتجانسو منيح بنرفعن عالنار وبنضل نحرك ليغلي مشان ما يفرط اللبن وبس يغلي بنزل الكبه وحده وحده وبس يغلي غليتين بنهدي النار نص ساعه وهيك بتجهز أطيب لبنيه وصحه وهنا 
نسررين❤️
نسررين❤️
نسيت اكتب طريقه تحضير الحشوه🤦‍♀️
بنحمي بمقلاية واسعه نص كاسة زيت طبخ بنزل اللحمه الناعمه المدهنه بتحرك شوي بنضيف البصل المفروم وملح وفلفل اسود حسب الذوق بنخليا لتستوي وقبل مانطفي الغاز بنضيف الصنوبر ولو حبيتو بقدونس 
نسررين❤️
نسررين❤️
حطولي لايكات يا بنات بدي افوز 
روعهه77
روعهه77
أول لايك مني🌹❤️
تسلم الأيادي نسرين 
حبيت الطريقه 💜💜