السلام عليكم ورحمه الله وبركاته
كيفكم ياحوائيات ؟؟
والله اني احبكم واحترم اذواقكم << اخلصي وش تبين
المهم انا في ازمه خانقها بسكن بيت جديد الحمدلله وكل ماقالي زوجي وش تبين الوان وجهي يصير كذا :09:
اخاف اقوله ماعندي سالفه فالالوان واطيح من عينه :44:
وانا الي مسويه فاهمه بكل شي << ياشين الهياط يابنات
المهم قلت مااطيح من عينه وانا بنت ابوي وفيه بنات حواء << كفو والله حلفت القهوه:arb:
وكل مره يسالني اتهرب واقول كيف الدوام الحين صار يفهم الحركه يقول لاتصرفين لانه ماهو بعيد عن ذوقي << اجتمع المتعوس على خايب الرجاء
تدرون اخرتها قلت اسال اصحابك يمكن عندهم ذوق انجلط الرجال << فيس يبكي بقوه
قلت بس انت قلت ذوق صاحبك حلووو قال ذوقه فالسيارات حلو مو فالبيت وانا يوم جلست القط وجهي يارب ترحمني <<قسم انواع الفشايل ,,
المهم انا شسمه دجه ماعندك احدد فالالوان وذوقي العام يفشل الصراحه ..
يعني اخاف ابدي رائي والي يزورنا تصيبه ام النخاع الشوكي :44:
عشان كذا ابي رائيكم وش لون غرفه النوم
والاسياب والمدخل وغرفه الحريم
بقولكم شي المقترحات الي فبالي للالون بس تحلفون انكم ماتطلعون من المنتدى :(
اخاف ينحذف المنتدى من قوقل لو قلت الالوان لاني لم ابوح لااحد فيها غيركم انتم حفظكم الله << لبست النظارات
المهم قلت لعقلي الباطني المطبخ لونه برتقالي:angry:
وغرفه النوم 3 جدران بنفسجي وجدار واحد ابيض واثاث الغرفه ابيض :09:
وقلت لاختي الحنونه غرفه الحريم لونها فوشي واسود واعطتني ذاك الكلام الي يعور القلب تقول داخلين مقهى ولا غرفه حريم :icon33:وانا هالفكره ماهي من راسي شفتها فمسلسل واعجبتني وسويت انها من ذوقي :arb:
مادريت انها بتدعس على وجهي عشان هاللون << عطوني الوان ولا الكل بيدعس على وجهي
المهم قولولي الوان حلوه وانواع البويات انا شسمه اسمع حجر الرياض وكرفت مدري فلفت ذاك اليوم اسوي فاهمه عند صحبات اختي واقول البويا التفته وش رايكم فيها مادريت الا اختي يوم جن جنونها وطلعت شياطينها وانواع الغمزات بعيونها وانا مدري وش السالفه تقول تفته القماش الي فصلتيه واقول اي قماش طلعت ياتسبدي ترقع لي :09: وبعدين اسمعها تقول فلفت وانا يوم صابتني اوم الركب بكراعيني خفت منها << قسم تنرحم
المهم ماططول << احلفي
انتظركم ياعزيزاتي بكل خبراتكم واذواقكم الفاتنه << اخيرا استخدمت كلمه الفاتنه عسى تكون الجمله صح بس
يعني قولولي مثلا الجدارن وش الوانها والاثاث والصاله وغرفه الحريم والمدخل اخليه نفس الاسياب والصاله ولالا ؟؟
ورجاء بليييييييييييز لااحد يقول روحي معه اختاري ادري انفصام فالشخصيه بس الشكوى لله
يالله انتظركم ..
روز الكون @roz_alkon
عضوة فعالة
يلزم عليك تسجيل الدخول أولًا لكتابة تعليق.
ذكريات فرح
•
ولله يا اختي انا زيك داخله على بيت جديد وانا اخاف اغامر بس حقولك على الي في بالي الاسياب روشن مربعات مش معينات وغرفة الحريم بيج بس جدار واحد يا روشن معينات مع ذهبي او ورق جدران غرفه الرجال بويه الخيال اورنجي على كوفي وغرفتي الجدار الي ورا السرير ورق جدران والباقي لون مناسب للغرفه ممكن عسلي وعندي غرفه حسويها رمادي فاتح وجدار مقلم بالعرض فضي اتمنى اكون افدتك
شوفي غرفة النوم تبين الاثاث كلاسيكي او مودرن
والافضل مودرن عندك ابض او اسود روعه << بنزل صور لا تخافين ههه
غرفة الحريم عندك احمر مع ابيض - تفاحي مع ابيض -<<او الصور تكلم
المطبخ احلى شي عودي يهبل <<فيه صور مجلس الرجال بني
والافضل مودرن عندك ابض او اسود روعه << بنزل صور لا تخافين ههه
غرفة الحريم عندك احمر مع ابيض - تفاحي مع ابيض -<<او الصور تكلم
المطبخ احلى شي عودي يهبل <<فيه صور مجلس الرجال بني
شوفي حياااتي مهما الوحده حطت افكار ببالها من تدخل المحلات تتغير افكارها لانهم يخلونك تشوفين اشياء منفذه ومصصمه وكتالوجات والاشياء الجديده والدارجه لكن نصيحه اخت لاتاخذين فلفت باااااابخ جدا وقديم ومايعجبني ابد لانها يخلي الجدار زجمه ويقيدك بالتاثيت مو حلووووووو ابد الحين تلقين حتى صوالين الحلاقه ومحلات ابو ريالين يصبغونها قديمه مرره بس عندك بويه اسمها خيال وبويه اسمها ابداع وبويه روشن حلوه والبويات الساده حلووه بعد يعني تمشي معك علطول الي تجيك لون واح يعني مثل احمر ساده بدون شي وفيه بويات تجيك باحزمه يعني عندي المقلط صبغته زيتي فوق وروشن ذهبي فاتح تحت وحطيت حزام زيتي فيه نقش ذهبي طلع والله العظيم روووووووووعه ابدااااااع يعني الحزام عطى فخامه بس احس الحزام يصلح للمناطق الصغيره زي مقلطي يعني لاتحطينه بمجلس الرجال او مساحه كبيره تضيع معالمه يعدين ياقلبي مساله اللون البرتقالي ماحبيتها ابد يعني اصلا يفضل عاده بالمطبخ البلاط المركب نفسه منقش او مرسوم ماينصبغ او مقسم ومجالس الرجال اختاري الالوان مثل بني سماوي تركواز يعني احسها الوان رجاليه وحلوه مع الاثاث والتحف قسم النساء خلي الوان مثل سكري موف فوشي بس خليه ساده بس اذا كانت المساحه عندك صغيره اعتمدي الوان فانحه توسع لك المكان اما اذا كانت المساحه كبيره اختاري اللي تبين فاتح غامق اللي تحبين وبعدين ياحبذا انك ماتختارين الالوان الابعد الاثاث عشان مايقيدك وبعدين بيتك خليه من اختيارك مملكتك انتي لاتخافين من احد باي شي حابه تسويه شاوري ايه بس لازم تكونين راضيه عن اللي بتختارين ولاتستعجلين باي شي يعني خذي الدعوه حبه حبه وبعدين تكفين ابعدي عن اللون الاسود بالتاثيث كئيب جدا"ويحوس الدنيا وبعدين ياقلبي ادخلي النت قوقل سوي بحث ديكور الوان بويات يطلع لك اشياء كثيره جمعي افكار منها وابدعي وتوكلي على الله واهم شي وقيل اي شي لازم يكون اللي بيصبغ محترف حاولو تدورن احد شغله زين اسالو ترى بعضهم يسلق لك الشغل سلق وبالتوفيق واي شي احنا حاضرين بالخدمه واتمنى اني افدتك
شكرا اخواتي الله يعطيكم العافيه :)
بس ترى الروشن والاشياء هذي قسم مدري عنها :(
يعني مجلس الرجال قلت كلاسيكي ومالي دخل فاشياء الرجال << نذله
قلت المجلس والمقلط على ذوقك
ليله من عمري الله يعطيك الف عافيه يارب ماقصرتي يالغاليه وانا اقصد اللون البرتقالي فالدولاب مو فشي ثاني
بس غرفه الحريم تفاحي وابيض حلووه لو دخلت معها فوشي ؟؟<< حالفه تحط الفوشي:angry:
والبويا واش احطها ؟؟
وقولولي غرفه النوم وش رايكم فاللون الي قلته؟؟ انتظركم :26:
بس ترى الروشن والاشياء هذي قسم مدري عنها :(
يعني مجلس الرجال قلت كلاسيكي ومالي دخل فاشياء الرجال << نذله
قلت المجلس والمقلط على ذوقك
ليله من عمري الله يعطيك الف عافيه يارب ماقصرتي يالغاليه وانا اقصد اللون البرتقالي فالدولاب مو فشي ثاني
بس غرفه الحريم تفاحي وابيض حلووه لو دخلت معها فوشي ؟؟<< حالفه تحط الفوشي:angry:
والبويا واش احطها ؟؟
وقولولي غرفه النوم وش رايكم فاللون الي قلته؟؟ انتظركم :26:
الصفحة الأخيرة