ههههه اسلوبك تحفه
اتمنى البنات يفيدونك

ياعسل انا اشوف انك تحطين مثلا مجلس الرجال فولفت سكري قريب من اللؤلؤي مآآآآآآآآآره بيطلع رهيب ويمشي مع كل الألوان
في الأثاث

يا حبيبتي يا روز اولا ذوووقك جدا جميل ويدل على انك صاحبة متابعه للاثاث والديكور
ثانيا انا مثلك ما اعرف اسماء البويه او حتى وش هي الموضة الا من عالمي عالم حواء (***** الله ربي يرزقنا ونبني ادعووولللي)
ثالثا الاختيار حيكون بعد عرض مجموعة نماذج من الاقتراحات فقوي قلبك واستعيني بالله وروحي تفرجي ولا تقولي ما اعرف و
طلبك من بنات حواء اكيد فيه خير مساعد بعد الله فتوكلي وخلي بصمتك في بيت العمر واضحة لانه يتك انت والله يعيننا واياكي

ههههههههههههههههههههههههههههههههههههههه وقسم بالله مت ضحك على التفته
بقولك شى ياعسل مادام بيتك جديد تقدرين تتحكمي فيه من ناحيه الاثاث والبويه وانتي ادخلي قوقل وجمعي صور حلوه وتعجبك وسوي زيها وصدقيني ترتاحين مره

اهلين حبيباتي

كيف حالكم ؟ إن شاء الله الكل بخير <<مسويه حسن كراني

اعذروني على التاخيييييير لكن ظروف خارجه عن الإراده
نظرا لقلقي الزايد هذي الايام :32: حتى الاكل بالعافيه
على قوله امي تقول عسسى مابيت الي يسوي فيك كذا
زي البزارين يوم يروحون مع ابوهم البقاله وودهم بكل شي بس خايفين << احلفي
انا نفس الحاله هذي :04: نفسي بيتي احلى بيت وانا ذوقي اخس ذوووق
احس اني طحت من عين نفسي

امس سويت نصيحتكم :16:وانزل صور من النت مانمت زي المسلمين
وانزل واحمل وتعبت اخرتها تتوقعون وش قال ؟
قبل اقولكم احلفو انكم ماتسجلون خروجكم من المنتدى :06:
تخيلو قال هذي ماهي موجوده فالسعوديه ياحبيبي خانه التعبير

الالوان كانت مره فاتحه وفرايحيه وبيقول الالوان ماهي معتاده قال ماهي فالسعوديه
وانا يوم صار وجهي كذا :p

احس ودي اسوي شي بس مقدر قلت الا بالسعوديه ونص كمان << مسويه فاهمه عليه

قال طيب وتخييييلو من المغرب يفر يفر يفر اخرتها اتصل قال وش رايك نسكن فخييييمه :o ونريح راسنا اعجبتني الفكره الصراحه بس مقدر اتكلم اخاف يسويها << برا بس

المهم بعد جهد جهيد وعرق كثيف وقريت ردودكم ستين مرررره
واجلس اجيب ورقه واكتب الاشياء الصعبه زي اوف وايت وكريمي
اتصلت عليه يوم طلع ققلت جات فكره براسي وش رايك بالاوف وايت
قال وشو وانا مسويه اني خبييييره قلت هذا نوع معروف قال اوصفيه وانا وجهي يقلب الوان قلت اقولك امي تتصل علي مع السلامه :35:

وادخل احاول افهم واخاف اقوله كريييمي ويجيب العيييد فمحل الدهانات
قسسم انا واياه ننرحم اليوم تتوقعون وش قلت اخر شي يوم نفذ صبرررري

قلت مين من اخواتك تثق فذوقها الرجال جاته ام الكساح قال وش دخل اخواتي فالموضوع :32:قلت بس سوال عابر واضيع الموضوع

بعدين قلت خل اختي وزوجها لما يجووون ونستفيد من خبرتهم
قال ماني فاضي استنى اختك وزوجها لبعد سنه << تمسح دموعها

اااااه يابنات واقوله سسوي بويه شامواه وربي يقول شويماه

قلت شششششامواه قال بكره بروح قلت تكفى تلطم قبل ترررروح عشان الفشايل كبيره فحقك لو رحت وقابلك واحد يعرفككك

يعني الي طلع معي وحفظته بسرعه شامواه قلت سوها من فوق الجدر وسو حزام واختار اي شي تحت بس لون فاتح للمداخل
وغرفه النوم ياحبايبي غيرت رائي قلت سوها احمر ورصاصي والاثاث ابيض

عشان عارفه محد حيزبط اللون الي انا اببيييه درجه بنفسجي معينه براسي << تكفين انتي الاخضر وبقوه حافظته بعد

وبس الله يسعدكم ساعدوني اكثثثر ومن جد اشكركم من كل قلبي الي ساعدوني

عساني ان زفيتكم لبيوتكم الجديده :06: قصدي زرتكم فيهاا << امسكو الزبيريه بس

تكفون لحد يشرره علي تراني صاير دلخه هالايام

المهم مااطول ولا احب اطول فالكلام زي بعض الناس << ماتقصد نفسها ابدااااا

والي تساعدني مساعده حلوه واستفيد اعطيها رقمي << ارمو الزبيريه

امزح امزح لاتاكلوني ماعلي ناقص

وعد مني ان زبط البيت لااحط رقمي اعلان فالمنتدى <<اقول عساك ماتنحذفين بس

يالله تمسو على خييييير : واالي ماترد تسوي رفع حتى الي ترد تسوي بعد << وش رايك يسوون لك قهوه بعد

واعذروني معرف ارد على كل وحده يعني الشكر والعرفان للكل << العرفان اتذكرها فكروت الافراح لاتسالوني ليه حطيتها

فديتكم وبحفظ الله