طبقنا اليوم كب كيك أو كفتة بطاطس بطريقة الكب كيك .سهله جدا ولذيذة وميزتها بصراحه انها تنوكل بدون خبز علشان كذا هي فعلا خفيفه ولذيذة لعشاق البطاطس .
المقادير حسب الكميه انا سويت بصينية الكب كيك اللي فيها 12 حبه .( بطاطس مسلوق _ عصاج لحمه أو دجاج بس اللحمه الذ طبعا مكشنه ومستويه ومملحه ومبهرة _ صنوبر مقلي _ نوعين جبنه على الوجه).
الطريقه بعدما تهرسين البطاطس بالشوكه تحطين معها ملعقتين الى ثلاث ملاعق حليب بودره وشوية ملح وبهارات للنكهه , تكورينها وتحطينها بالصينيه على شكل عش بعد دهن الصينيه بشوية زبده للنكهه وعلشان ماتلصق وتطلع معك بسهوله
تضعين شويه من الحشوة اللي تحبين هنا ممكن تبدعين بحشواتك وتنوعين طبعا زي ماانتوا شايفين انا حطيت لحمه وبصل وثوم وملح وبهار فقط لان ابو الشباب تقليدي جدا ولو حطيت أي شي مو متعود عليه ماراح يذوقه ويروح التعب في هالحر عل الفاضي :44:
وفوقه شوية صنوبر مقلي او مشوح بدون زيت للي عاملين دايت
ترشين عليها شوية جبن اخذته من هايبر بنده من قسم الاجبان المعلبه مو المبرده وانصحكم فيه بقوة لانه يعطي الوصفات طعم ثااااني رااااائع
وهذي صورة الجبن اللي قلتلكم عنه انا احطه على السيزر سالاد او صلصة البيتزا يثقلها ويعطيها نكهه مميزة (والناس أذواق طبعا )
وفوقه شوية موزاريللا مبشورة افضل انك ماتحطين بيض علشان تضمنين النتيجه مايصير فيه حوسه وشي مستوي وشي لا :icon33: << قهر عاد
ندخلها الفرن تتحمر من تحت اول بعدين من فوق . انتبهوا وانتو تشيلونها خلوها تبرد شوي تصير اسهل لما تشيلينها ماتتفكك معك . وهنا بصحن التقديم
وهذي بالصحن تنوكل بالملعقه مع سلطه وممكن بالخبز
وهنا شوفيها من جوا الحشوة متعبيه لانك تضغطين وانتي تحِشين الطبقات علشان تدخل وتنزل تحت , اتمنى تجربونها وتعجبكم وتعجب صغارينكم الحلوين وألف ألف صحه وهنااا :27:
يسلم دياااااتك يالغلا
جاااري التطبيق