مراااحب ويا هلا بكل العضوات الرائعات..
هذي طبعاً أول مشاركة لي :42: .. والبقية تأتي تباعاً إن شاء الله :22:
هذا كب كيك خفيف وهش ولذيذ..
كمان سريع نوعاً ما ..
امم يلا نبلش بالمقادير:
** أول شي مقادير الكب كيك:
1 كوب تمر منزوع النوى
1 ملعقة شاي فانيلا
3/4 ملعقة شاي بيكربونات الصوديوم
3/4 كوب ماء مغلي
1/2 1 كوب طحين كويتي ( لجميع الاستعملات )
2 ملعقة شاي بيكنج بودر
1/4 ملعقة شاي ملح
6 ملاعق طعام كرسكو ( زبدة نباتية )
3/4 كوب سكر خشن
بيضتين ( اللي تكون حجمها كبير )
___
** مقادير الصوص:
1/2 كوب جوز امريكي ( اللي يكون لين شوي.. ويفضل تحمرينه شوي في الفرن )
1 كوب سكر بني
6 ملاعق طعام مليانة كريمة ثقيلة ( يعني بتعملي ظرفين دريم ويب بالطريقة المكتوبة عليه وتاخذي منه 6 ملاعق.. إن شاء الله كلامي مفهوم !؟ )
طييييب يا حلوات ..
الآن الطريقة ^^
أول خطوة.. بتسخني الفرن على حرارة 350 ويكون ف الرف الوسطي..
ثاني خطوة.. - في وعاء: اخلطي ( التمر + الفانيلا + بيكربونات الصوديوم ) واسكبي عليه الماء المغلي.. ثم اتركيه يبرد على راحته لين يصير الماء بدرجة حرارة الغرفة..
ثالث خطوة.. - في وعاء آخر: اخلطي ( الطحين + البيكنج بودر + الملح )
رابع خطوة.. - في وعاء ثالث: ضعي ( الكرسكو + السكر ) واخلطيه بواسطة خلاط الكيك بسرعة متوسطة..
لين يصير فاتح .. راح ياخذ منك تقريباً 3 دقايق..
ثم ضعي البيض واخلطيه لين يتمازجوا..
ثم ضعي الطحين وخلي السرعة على أبطئ شي.. لين يتجانسوا كويس..
بعد كذا خلييط التمر ( إذا تذكرينه خخخ :22: ) ضعيه على خليط الطحين وامزجيه لين يختلطوا كويس..
الآن جهزي صواني الكب كيك ولك الخيار.. إما تدهنيه بالزيت أو تضعين أوراق الكب كيك..
المهممم..
تعبي ثلثين الكب كيك بس.. لأنو رح ينتفخ معاكي..
خليه تقريباً في الفرن ربع ساعة أو أكثر -لين ينضج يعني- ( هذي الخطوة تختلف من فرن لآخر )..
بعد ما تطلعيه من الفرن اتركيه خمس دقايق.. ثم أخرجيه من الصينية..
بعد كذا خليه يرتاح ربع ساعة ..
الآن اعملي الصوص..
** وطريقته كالآتي:
اخلطي جميع مكونات الصوص وضعيه على نار متوسطة واخلطيه إلى أن يذوب السكر فقط.. ( لا تنتظري إلى أن يغمق )
ثم زيني به الكب كيك وهو سااخن .. لأنه رح يجمد بعد كذا ولا رح تقدرين تتحكمين بشكله..
وبس..
( معليش في الصورة الصوص صار غامق معاي.. انشغلت بحاجة واغمق.. بس كان محتفظ بطعمه اللذيذ.. أهم حاجة تنتبهي له، أحلى وهو فاتح.. )
وهذي الصورة النهائية..
،
عوااااااااافي..
لاتحرمينا من طلتك ياعمري وجديدك ويوفقك وينحفني وياك يارب
وحنا بعافيتنا يارب
وينولك الي ببالك ويرزقنا وياك