صباحكم ومسائكم خير وخيرات >>>>>>>>>>خيرات بنت اخت زوجي ياويلي منها
كيفكم صبايا وحريم ان شاء الله تكونوا بصحه وعافيه
بصراحه هذي اول مره انزل لكم حلى بس بجد فاخر مره ويصلح للمدرسه والعمل والتمشيات او الخرجات وفطور وكل
شي واي شي والاهم من كذا انو مو مكلف وطعمه احلى من اللي في السوق >>>>>اخلصي
مالكم بالطويله هذي المقادير مع الطريقه
4 بيضات انا خليتها خمسه لان البيض اللي عندي كان حجمه صغير شوي
1/2 كوب زيت
ملعقه صغيره فانيليا
1 كوب سكر
تخفق المقادير مع بعض
وبعد الخفق نظيف 2كوب جزر مبشور
وبعد كذا نضع 2كوب دقيق وربع ملعقه بيكربونات الصوديوم وملعقه بيكنج بودر
وتصب في الصينيه وحبذا يكون عليه ورق البليسيه >>>>>حلوه حبذا
وتدخليها الفرن وكذا بيكون شكلها لما تطلع
خليتها تبرد بعيد عن الصينيه
وهذا الصوص عباره عن ربع اصبع زبده او اقل 10 حبات جبنه كيري ربع كوب سكر بودره تخفق مع بعض ويدهن
الكيك ويرش جزر مبشور للزينه والله طعمه خييييييييييييييييييييييييييييييال
تقدري تلغي الصوص اذا كان الكيك موللضيوف يعني للمدرسه وووووووو الخ >>>>>الكلام الطويل اللي فوق
بالعافيه على قلوبكم
اللي يعجبها الكيك او الموضوع تدعيلي واللي ما يعجبها او عندها فلسفه تخليها لنفسها >>>>>>>الاخت عانت من المتفلسفات
على فكره الكيك هذا من مطبخي يعني لو فيه تغيير ما يكون عند المحتجات حجه
الله يعطيك العافيه