جبت لكم وصفة جربتها من كتاب جديد اسمه فن الحلويات لذييييييذة بالذات بالشتاء
كب كيك الحنيني
المقادير : بكوب القياس
كوب ونص دقيق بر
2 اصبع زبدة لينه
كوب تمر بدون نوى ( استخدمت معجون تمر جاهز )
ثلاث ارباع الكوب ماء
ثلث كوب سكر
ربع كوب حليب
2 بيض
ملعقة شاي بيكنق باودر
نص ملعقة شاي هيل مطحون
حبه سودا وسمسم للوجه
الطريقة:
نحط الماء في قدر مع التمر على النار ونقلبه الين يجف الماء ويلين التمر ونرفعه عن النار ونتركه يبرد ونهرسة بالشوكه
نخلط الدقيق والهيل والبيكنق باودر ونخليها على جنب
نخلط السكر مع الزبدة الين تمتزج
نضيف لها التمر ونخلط زيييين ونضيف البيض ونكمل الخلط
نضيف الدقيق ونخلطه ونضيف الحليب ونخلط زيييييين
نحط الخليط في صينية الكب كيك ونكون حاطين فيها اوراق البليسية ونرش سمسم وحبة سودا على الوجه
نحطها بالفرن على درجة حرارة بين الخفيفة والمتوسطه انا حطيتها على 225
وناكلها بالعافيه مع قهوة او كوب حليب
هذي صورتها من الكتاب مزبوطة نفس حقتي :wink2:
تسلم يدك ويعطيك العافيه