اخواتى وحبيباتى
ده اول موضوع لى هنا فى المنتدى وان شاء الله يعجبكم
المقادير
كوب زبادى
كوب سكر
2كوب دقيق
2بيضة
فانيليا
م ص مليانة بيكنج بودر
للشربات(الشيرة)
كوب سكر
كوب ماء
عصير ليمون
فانيليا
ملحوظة مهمة اوى
مقادير السكر والدقيق بنقيسها بكوب الزبادى بمعنى اننا بنفضى الزبادى فى الطبق اللى هنخلط فيه ونغسل الكوب وننشفه ونقيس بيه السكر والدقيق
الطريقة
اولا نجهز الشربات وما يكونش تقيل ولا خفيف ونتركه يبرد ولو مش عاوزاه مسكر اوى اعملى نصف مقدار الشربات وبرضه بنعاير السكر والمياه بكوب الزبادى
نضرب البيض والفانيليا بالمضرب
ونضرب السكر والزبادى ونخلط لحد مايدوب السكر
نضيف خليط البيض لخليط الزبادى ونضرب شوية
ونضيف الدقيق والبودر المنخولين شوي شوية مع التقليب الخفيف
ثم تصب فى الاكواب وتدخل الفرن
ولما تخرج نعمل فيها ثقوب بعود الشوى وتسقى بالشربات البارد
وممكن نرش على الوجه جوز هند اوفستق مطحون زى ماتحبى
والله يابنات هشة وخفيفة وطعمها رائع
وممكن نفتحها ونحشيها كريمة ونعمل وردات على الوش ونزينها بالفاكهة بتبقى جاتوه رائع زى جاتوه البابا واحلى واخف
اتمنى تعجبكم
جزاك الله خير
اللهم صل على سيدنا محمد وعلى اله وصحبه وسلم